Corpus Van Reenen-Mulder (CRM14): Oorkonde Q020p35301

. . Wir Scepen ghemeynlich der . Stad van zitt_t doen kont allen luden die diesen brief s˚elen sien of h˚ren lesen dat voer ons comen is . johan Greue van zitt_t ende bekande Sculdich te sine van gherechter witteliker Scout . johan Goedghewant ende sinen erfnamen . . Enen Cleynen gulden g˚ed van goude ende swaer van ghewicht / of dat werde daer voer in and_en g˚eden payment als op den dach der betalinghen in Comans budel gaen sal alle jaer te betalen op den pinxstdach of ombeuanghen binnen acht daghen daer nae neeste comende . . Ende om te mere sekerheiden der betalinghen der vorscreuenre jaergulden . soe heeft die vorscreuen . johan Greue den vorscreuen johan godsghewant ende sinen erfnamen tonderpande ghesad Eyn half huus mit sinen toebehore dat gheleghen is tussche_ meister lambrechts huus ti_mermans . ende Gherarts wijf was kettens mit wille des leynh_en . jn alsulker maniren of die vors_ johan Greue of sine erfname_ ghebrechlich weren in + der betalinghen der vorscreuenre jaergulden in eyn deyl of in alte~male . tot den tide die wrscreuen is . soe mach die vors_ johan Godsghewant ende sine erfnamen . des anders daghes na die acht daghe na pinxsten . sijn hant slaen an dat wrscreuen onderpant ende daer mede doen ende laten ghelijc sinen erue sonder ymans wedersegghen behaudelich den leynh_e sijns Rechts Alle arghelist vyt~ghesceyden in diesen wrscreuen saken . jn kennessen der waerheit hebben wir onsen sighel an diesen brief doen hanghen . Gescreue_ jnt jaer ons h_en dusent drie + hond_t drie ende vijftich des anders daghes nae sinte peters dach ende sinte paulus der apostolen . . .