Corpus Van Reenen-Mulder (CRM14): Oorkonde Q020p36901

Wir Scepene ghemeenlijch der Stat van Sittert doen kont allen luden mit diesen openen brief / dat voir ons komen is / Henken sweertvegher / ende bekande / dat hee Schuldich were / van gherechter Schout / goeswijn ver billen Soen / ende Sinen rechten eerfname_ alle jaere / twee g˚ede swoere gh˚elden / g˚et van goude / ende swoere van ghewichte / of dat w? daer voer in guden and_en goude / of payment daer voer / as te Sittert op den daegh der betalinge_ in coumans budel gaen Sal / alweghe des jaers op sent ghijlden daech / of ombeuanghen / op sente Remeis daech dar + nae neeste komende wael te betalen / Ende o_me te + mere sekerheide der betalingen derre v˚rscreue_re jaerg˚lden / alle jaer op die ?ijt v˚rs_ / goeswijn v˚rs_ of Sine_ erfname_ te doen / Soe heet die v˚rs_ henken / ghesat goeswijn v˚rs_ ende Sine_ erfnamen tonderpande / Sijn huis mit den toebehoere Soe wie dat gheleghen is altesame_ in die P˚tstroete / tuschen h_en willems huis van der stripen waes / ende tuschen jden huis wennen / jn deser vughen ende maniere_ / weert Saeke / dat die v˚rs_ Henken / of ?ine erfnamen versuemlich / of ghebreclijch were in der betalingen derre v˚rscreuenre jaerg˚lden / in eynen deyl of in alte?el op die tijt die v˚rs_ is / Soe maech die v˚rs_ goeswijn / of Sine erfname_ des eersten daeghs nae sent Remeis daegh Sijne hande slaen / aen dat v˚rs_ onderpant asso ast ghelegen is / ende daer mede doen sinen wille als mit Sinen p_peren eerue / Sonder ymans wedersegghen / behaudelijch alweghe den leenhere Sijns rechts / Alle arghelist ende loesheit vten desen Sake_ v˚rs_ ghescheiden / jn kennisse der woerheit dieser Saken hebben wir onsen Sighel aen diesen brief ghehanghen / Ghegheuen jnt jaer ons heren dusent dri + hondert neghen end tsestich des twelfden daeghs in die Sp˚rkel /