Corpus Van Reenen-Mulder (CRM14): Oorkonde Q020p37901

Wir Johan nesch Thees + son / en_ Reynken Ghielen son / van haissittart / Doen kont allen luden die desen brief solen sien / of horen lesen / Dat wir samender~hant komen sijn / mit onsen vrien moetwille_ / onbedwongen van yeman / voir Rykout van valkenborch knape / voycht van Sittart voir herman den . Schoutet van sittart en_ Schepen / en_ voirt / voir ander Schepene van Sittart / als is . Arnolt Symons . keyrstiaen flitzen son / en_ johanne kno˚pe / in der tijt / dat wir dat billich en_ mit recht doen moichten / bekanden en_ beghieden openbair voir ons selue voir onse Eruen en_ na˚comelinge / sculdich te + sijn / en_ verbonden / erflich en_ o_mermee / den eyrsamen luden / dat is te wetene / den . . Deken en_ Capittel . Sent Peters kircke van Sittart / alle joir / op alre + heilghen dach . aecht alde groete / münten des Coninchs van vrancrijc / of dat wert daer voir / in anderen güden Peyment / als in der tijt / der betalingen / tot Sittart in der Stat / sal genge en_ geue sijn / te + betalen los en_ ledich / sonder alle wedersproke en_ werworde / as van des h˚ys wegen / dat wilne was / Mathijs Tüters / dem god genedich si . dat gelegen is / an den Merct / tot Sittart / tusschen Arnolts Paresijs h˚is / op eyne side / En_ Lynen br˚nen / op die ander side / jn manieren / worde dat sake / dat wir selue / of onse Eruen / en_ na˚comelinge / niet alle joir en + betailden / den voirgen_ . . Deken en_ Capittel / die voirscr_ aecht alde groete / ter hant slaen / an dat voirscr_ hüis / als / ane hoire wetlich onderpant en_ dat als lange / inhalden / ter tijt toe / dat oen / dat voirgen_ gelt en_ gebrec / betailt / of genoich / dar voir / gedoen si / en_ dat moigen sij / alle joir / as d˚cke doen / als oen / des noyt is / en_ niet betalt en + worden / als voirscr_ is / alle argelist / alle werworde / gheystlichs en_ werentlichs rechts vytgescheiden / En_ want wir johan Nesch en_ Reynkou voirscr_ / gheyne segele en hebben / en_ want ouch / dese saken / voir den voicht voir den Schoutet en_ Schepene van Sittart / aldus bekant en_ geschiet sijn / als voirscr_ is / so hebben wir truwelich gebeden / Rykout van valk_ / voicht voirscr_ . en_ dar + t˚ Heynrich van den berghe / Godart van der hagen / en_ wilhem van were / knapen dat sij . hore segele / voir ons / an desen brief hangen willen / jn vestinge en_ in getüge der woerheit / alle der dinge vorscr_ En_ beke_nen / dat wir ons h˚is voirscr_ veronderpant hain / onder hoire segele / ouermits / die amptlude en_ Schepen voirgen_ gelijch oft onder Stat~segel / gevorwert were / En_ wir Rykoüt voycht / Heinrich / godart en_ wilhem voirscr_ o_me beden wille / johans nesch . en_ Reynkens ghielen son / so hebbe_ wir onse segele / an desen brief gehangen / jn vestinge en_ in getuge der waerheit / alle der dinge voirscreuen / vort were dat sake / dat eynich zegel . an desen brief gebreke / tebreke / of gequetz worde / of eynich ongeval / anders krege / Dar om / so en sal dis brief / niet te menre noch arghert sijn / Gegeuen jnt joir ons heren / Dusent + . Dry + hondert nogen en_ tseuentich / op Sent Gregorius dach / de komt in den Meert