Corpus Van Reenen-Mulder (CRM14): Oorkonde Q020p39001

Wir Schepen ghemeynlic der Stat van Sittart doen kont allen luden die diesen opene_ brief s˚elen sien of horen lesen dat voer ons comen is dierich olden son onse mede~porter de voer sich sijn eruen ende sijne noecomelinge_ van Rechter witliker schout bekant hait en_ bekent sculdich te sijn heilwigen steynmans hoeren eruen of hoeren noecomelinge_ drie guede aude grote münten des Coninx va_ vrancrike of hoer wert in and_en güde_ gelde tot zittart genge en_ geue op den dach derre betalingen hij onder geschrieue_ wilge drie grote vürschr_ dieric vürs_ voer hoem emde sijn eruen geloeft hebt en_ geloeuen in gueden truwen derre vurs_ heilwigen hoeren eruen nocomelingen wael te betalen alle joer erflich en_ vmm_me op sinte Remeys dach des heilge_ Bisschops of ombeuangen in + den hogentide Alre + heilgen messen daer nae neest volgende Ende te lieueren in + der Stat van zittart in eyn huys doe heilwich vürs_ of hoer noecomelinge_ wisen süelen los ledich ende vri op anxt end cost des vürs_ dierichs of sijnre eruen en_ noecomelingen En_ des te mere sekerheit hebt de vürs_ dieric vür hoem en_ sijn eruen derre vürs_ heilwigen hoeren eruen of hoeren noecomelingen tot eynen onderpande gesat en_ verbonden eyn sille so hoep so acker~lant luttel men of me tot broessitt_ aen den lande en_ guede va_ petersheym en_ aen den gemeynen wege de va_ broessittart totter gemeynde_ wart gheit gelegen de wanne hennen fetz was Mit alsulger vürwarden oft also geviele dat dieric of sijne eruen vürs_ in + der talingen ende lieueringen des vürs_ erfs~siens in eyne_ deile of te~male gebreclic w_en ten vürs_ dagen / so moegen die vurs_ heilwich hoer eruen of noecomelingen des neesten daechs nae den vürs_ Alre + heilgen dage hoen hande slaen aen dat vürs_ onderpant wij dat gelegen is doen doe mede as mit hoeren witliken erue sonder yemans wiedersagens beheltenisse den lene~h_e sijns rechtz En_ dan süelen die vurs_ heilwich hoer eruen of hoer noecomelingen va_ denen vürs_ vervallen onderpant liden en_ gelden den h_e Ende der stat va_ zittart diens? en_ ?der + bedrach gelike and_en port_en en_ ond_seten der heirlicheit va_ zittart va_ euen voele guetz Alle argelist vitgescheiden in + den vürs_ saken En_ dis in orkonde derre waerheit hebben wir Schepen om beden wil derre p_tyen vürs_ onsen gemeyne_ Schepen~Siegel doen hangen aen diesen brief Geg_ int jaer ons h_en dusent drie + hondert en_ noegentich in + den maent September vijfteyn daghe