Corpus Van Reenen-Mulder (CRM14): Oorkonde Q071p38601

Wir Arnout van + den Eelshoute Reyner roeseler / Mielis daneels / Stas van B˚chout Johan Coenraet / kerstiaen van + den gasthuse / en_ Johan vleytinc . Schepene des dorps van Dyepenbeke / Doen kunt allen den~ghenen die desen brieff soelen sien off horen lesen / dat v˚r ons / ende loeduwige van Tille / scouthete_ des v˚rs_ dorps van dyepenbeke / koemen is / selve lijfliken / eyn Edel mechtich h_e / her heinrich h_e te dyepenbeke Erfvaecht te ludicke / ende heeft / v˚r ons ghelijdt / en_ bekant / dat hi wael / ende wettelic / vercocht heeft / den eirsamen geystliken manne / h_en loeduwige van Bun_e . scheffenne_ / des huys van + de_ byessen / ordens van + den d˚etschen + h˚se / in oerber en_ behoeff / des hoefs van + der Caetsbeken / Eyn stucke erfs gelegen bij den bosch der vurs_ duetscher heren van + den Byessen / geheiten Marienhout / also verre / op ende dale / als die vurs_ bosch lanck is / ende als die gracht / daer om_e gheit / aen die heyde / ende die steyne begrijpen / die wir / mit manisse / en_ vonnisse / aldaer gesat hebben / om_e eyne seeker sum_e van gelde die onse lieve geminde h_e van dyepenbeke vurs_ / v˚r ons bekant heeft / dat hoem der vurs_ her loeduwich / wael betaelt heeft . Willich erve vurs_ / onse lieve geminde h_e van dyepenbeke vurs_ / opgedragen heeft in hant des vurs_ scouthiten / en_ daer op verteeghe_ / met manisse / en_ vonnisse / te oerber / en_ te behoeff / des vurs_ ordens / en_ hoefs van + der Caetsbeken / op eyne_ penning lucslachts / alle Jaer te betalen / op sente Sthevens dach in ons heren hoff tot dyepenbeke / en_ / daer mede op / en_ aff te ghaen / willich erve vurs_ / onse vurs_ . Scouthit verleint / en_ gheg˚yt heeft den vurs_ h_en loeduwige / met manisse / en_ vonnisse / en_ gheen poent van rechte daer toe behoren_ / achter~ghelaten / in oerber des vurs_ ordens / en_ hoefs van + der Caetsbeken . In ghetugenisse der woerheit / hebben wir . Scepenne van dyepenbeke vurs_ / onse ghemeyne siegel / des wir van ons schependoms wegen gebr˚ken / met gheheite ons lieven gheminden h_en van dyepenbeke vurs_ / aen desen brieff ghehange_ . Gegeven / in den Jaer van ons heren gheboerte_ / doen man schreyff . + M ccc + . lxxxvj . op sente peters ende sente pouwels der Apostolen a˚vont .