Corpus Van Reenen-Mulder (CRM14): Oorkonde Q077p39901

Wij willem kelneer Scouteit / Heinric van + den nederrode Johan van meerheem / Gerart van + den Edelbaempt / Gerart moors / Gijsbrecht seylmekers en_ Stasse van heerne / Scepene_ dez dorps en_ gherichts van h˚ssilt / doen kont en_ maken kenlijc allen luyden die dese tiegenwordige lettre soelen zien oft horen lesen Dat daer omme jn hons selfs properen persone gestaen Sijn comen / Eerbarige wijse en_ moghende heeren / h_e Johan van gheysbach h˚yscom_end˚er / h_e Adaem van Wijngardsberch / pietanciemeystere / ende h_e Allexander van Esden / Sceffeeneer / Br˚edere des duytschen ordene / des h˚ys en_ Convents van triecht op die eyn side / ende Collaert van + den velde Borgher tot luydic op die ander side / Die voerg_ h_e johan / h_e Adaem en_ h_e Allexander voers_ / bij geheite wille ende weeten / h_en Reynalts van h˚sen lantcom_endoers / der Balinien van + den biessen ende sijns ghemeynen Convents / witteliken ende wael / in rechten witteliken coeps en_ vercoeps Stat / gecocht hebben tiegen den voerg_ Collaert ende verkreeghen / jn orbaer ende te beh˚ve / der pietancien / des huys van Triecht voerscr_ / Om . eyn . seker Sum_e gelts / die ouch der selve voerg_ Collaeert / kainde en_ openbaerlijc belijde / van + den voerg_ heeren / gehaven en_ geboert te hebbene / ende die selve Sum_e gelts / jn sinen properen / Eyghenen orbaer ende profijt bekeert hedde / Dat es te weetene / Den hof ende dat goet te com_e gelijckerwijs als geleegen es / bij dat dorpe te Beverst ende daer omtrent / met allen ende yegelijcken aenhange en_ t˚ebehoren des selven hoefs / So waer die gelegen sijne jn naten ende jn dr˚eghen / Sijn dat ackerlande / weyde oft eeuchsele / b˚ssche / baempde oft wijere / also verre als den voerscr_ hove en_ g˚eden t˚ebehorende es / Tot den welken voerscr_ hove en_ goeden ouch t˚ebehorende sijne . Sesse m˚dde . vier . vate en_ . drie . coppe Evenen jaerlix en_ erflix pachts der maten van tongren aen ende opten hof tot Caudenberch met sinen t˚ebehoren / bij den voerseeden hof van com_e / gelegen / op die zide te nederrode waert / Ende es te wetene dat die voerseede hof en_ g˚ede van com_e / belesticht sijn ende gelden jaerlix ende erflijc al~s˚lken pachte / als hier nae gedeclareert steet en_ bescreven / Jn + den eersten onsen heer van luydic jn + der kelnerien van H˚ssilt . drie + en_ + twentich . m˚dde en_ . vijf . vaet evenen / der maten van tongren voerscr_ / Jtem den persone / der kercken van Beverst . Sesse . vaet rogge_ jaerlix ende erflijc der maten van tongren voerseet / Jtem den clockere der selver kercken van beeverst / een . vaet . rogghen / Ende den gel˚chte aldaer / een . vaet rogghen erflijc der selver maten voerscr_ / Jtem den persoen der kercken van H˚ssilt / twee . vaet . roggen jaerlix ende erflijc der voerseeder maten van tongren / En_ den kijndren / joncfr_ Odilien van phee / . veerteen . m˚dde . spelten erflijc der selver maten van tongren voerscr_ / Om welcs vercoeps ende coeps wille der voerseeder goede / dien voerg_ heeren / als in orbaer ende beh˚ve der pietancien voerseet / daer af volcomelijc ende altemael / vol ende genouch te doene / Die voerg_ Collaert comen es / ende heeft met sinen vryen wille ende zekeren weeten / die selve voerscr_ goede alle ende yegelijcke / also verre / als die voer ons Scouteit en_ Scepene bove_genoempt / ende jn + der banch van h˚ssilt hovende ende hoerechtich sijne / opgedraghen jn ons Scoutiten hant voerscr_ / ende daer op met halme ewechwerpende / renu_cieert ende verteeghen / te beh˚ve der voerg_ heeren / als in orbaer ende name der pietancien voerseet / den voerge_ Collaert jn + den selven voerscr_ goeden alle en_ yegelijcke / niet rechts / eygendoms noch t˚esegghens / voert~aen / meer te hebben of te behauden te eweliken daghen / waer om wij Scouteit ende Scepene_ voerg_ / den voerg_ h_en Adaem pietancie_meystere als jn orbaer en_ beh˚ve der selver pietancien / Jn + den voergheseeden hove en_ goeden alle ende yeghelijcke / also verre als voer ons ende jn onser banch voerscr_ / hovende ende hoerechtich sijn als voerscr_ es / nae dat onse voerseede hof te rechte steyt met meenisse en_ met vonnisse / Daer t˚e gedaen banne ende vreede ende alle ander sole_niteyt van rechte / als daer schuldich t˚e was te gheschiende ende die gewoente ons hoefs in heeft / engheen p˚nte van rechte daer inne achter~gelaten / beheltelijc alremalcs rechte / gegoet hebben ende gheerft / Jn also voele / dat overmids meenisse ons Scoutiten / vonnisse en_ gevolghenisse / onser Scepenen voerscr_ / eendrechtichlijc daer gewijst waert ende gevon_ist / dat den voerg_ heeren / als in orbaer ende te beh˚ve / der pietancien voerscr_ van + den voerseeden goeden / allen en_ yeghelijcke volcomelijc weer genouch geschiet / Die wilghe voerscr_ saken / alle ende yegelijcke / jn h˚eden en_ bedechtigen ontheltenisse / onser voerg_ Scepenen / nae der gewoenten ons hoefs / gelacht worden ende onsen gedinckenisse bevolen / des wij ons en_ rechte geheiten orkondscap hadden en_ daer af wael betailt worden / Ende alle des te orkonde ende ghetugheniss en_ der waerheit der saken voerscr_ So hebben wij Scouteit en_ Scepene_ bove_ghenoempt een yegelijc van ons sinen properen seghele / desen tiegenwordigen l_ren aengehangen / Gegheven jn + den jaer ons heeren / als men screef . duysintich . + drie + hondertich negen + en_ + negentich / Jn + den oegstmaende en_ des . twelfste daechs .