Corpus Van Reenen-Mulder (CRM14): Oorkonde Q078a39801

Allen luden kenlijc si en_ openbaer dat wy Johan kox scouteit . willem van papenkele . Jan van herke . henric van + der bijsen Johan maegh smet . art scuppe . art raetmaker . en_ Godevart scuppe scepen tApswellen tughen openbaerlijc / dat vor ons comen sijn in p_p__en p_sonen in + den recht een eerwerdige en_ Religiose vrouwe . . vrouwe kath_i_e van Eversgoven Abdisse tot herkenrode met enen eersamen wisen manne henrike_ borg_ man van wape_ scepe_ te vlid_male_ hu_en momb_ op deen side . En_ Johan van papenkele wenne in + der tijt des hoefs van papenkele tobehu_ende den cloester voirs_ op dander side / / Die selve vrouwe kende en_ lide huers moets willen dat sij weder jnghegeven hedde Johanne hu_en wenne voirs_ die wen_inge huers hoefs voirs_ ene_ tijt lanc van twelf ja_en na een dure_de / welige tijt beghan jn + den jaer der gheb˚erte_ ons h_en dat men scrieft dusent dri + hond_t tnege_tich en_ acht te half mert / te pecht_s recht / en_ als hi en_ sijn vorsete den hof vors_ tot her to ghehauden hebben En_ oech i_ voghen ondervolgende / En_ Johan wenne voirs_ kende oec weder om_e en_ lide dat hi weder i_ghenome_ hedde den hof ende wenni_ge voirs_ teghen die vrouwe voirs_ in deser mate_ onderghesc_ven / Te weten dat die wenne voirs_ dese_ t_mine en_ ghetoust dure_de betalen sal alle jaer te sint andris + mis des apostels van + den hove en_ wenni_ge voirs_ den cloester voirs_ dertich Mudde rogge_ en_ dertich Mudde gersten maten van loen en_ pacht als om_e die co_treye ghelike reyngenoten te herkenrode te lev_en op des wennen cost arbeit en_ anxt / Mer des wennen knapen suelen int gasthuys te herkenrode hu_en cost hebben Jt_ heet verleent die vrowe voirs_ den wenne voirs_ huer teende van abswellen deser getoust dure_de vor acht Mudde roggen en_ acht Mudde gersten maten en_ pacht voirs_ te_ t_mi_e en_ maniren oech vors_ altoes te betalen / en_ der t_mi_e daer af beginne sal te sint jans + misse baptiste naest come_de twelf jaer lanc gheliker wijs na een durende Jt_ huer teende van wellen vor ses~t + alf Mudde rog_ alst lant rog_ drecht / en_ vor ses~t + alf Mudde gersten alst lant gerste drecht / Mer alst lant brake leit / sal hi + der niet af talen te_ t_mi_e maten en_ pacht en_ maniren als vors_ oech te lev_en der vrouwen voirs_ / En_ sal der wenne voirs_ lev_en der vrouwen voirs_ alle jaer deser getoust durende viftine gode ganse en_ geve op sinen cost en_ arbeit Jt_ alle jaer enen goden beer op vier gode gulden getaxert sal hi oec lev_en der vrouwen voirs_ En_ waer hijs sbeers niet en hedde so goet so sal die wenne losen met twe den besten verken die die vrouwe ocht huer seker bode kysen sal vyt allen sinen verken alle jaer alst coren jn es En_ dat sal hi + der vrouwen te~voren k˚ndighen te kisen eer hi hom iet behelpen sal met sine_ verken voirs_ sonder arghelist / / Vort meer so eest vorwerde tusgen die p_tien voirs_ dat die wenne hauden sal van wende en_ dake den hof voirs_ in goden p˚nten als hi denen vant in sinen jncomen / Mer wert datter tymmerwerck gebreke van houte ofte yserwerke dat soude die vrouwe bec˚estigen en_ doen maken met hu_en werclide / M_ der wenne soude den werckliden hu_en cost doen van eten / En_ der wenne sal des hoefs p_fijt doen en_ dat sine Mer ten lesten jaer als die wenne vytvert ocht varen sal sal hijt coren trecken van + den halven scoef en_ niet meer behoudelike dat stroe en_ caf van deven in + den hof te bliven En_ vor dat stroe en_ caf so sal der n˚ wenne die t_ + tijt sal sijn geven den vytvare_de wenne sesse reale eest dat hijt stroe en_ caf behauden wilt / en_ w_t dat sake dat die n˚ wenne niet behouden en woude stroe en_ caf voirs_ / so sal der aude wenne dat stroe en_ caf vytv˚ren en_ in sinen orb_ keren / M_ der n˚ wenne sal sinen k˚ere hijr af behauden weder tghelt voirs_ der sesse reale_ geve_ ofte stroe en_ caf te laten striken / / Dese p˚nte voirs_ hebben die p_tien voirs_ malc and_en wael en_ wittelijc geloeft te hauden sonder arghelist / Mer om meere sekerheit deser vrouwen te doen en_ hu_en cloester vor h˚er p˚nten voirs_ te bat te vervullen van + den wenne voirs_ en_ sinen nacomelingen he gesat heet tonder~pande twe bonre winne_s lants gelegen tApswellen in een stat geheiten eeselswech / op deen side liggende rolant Buesgen goet / op dander side claes buschope_ goet Jn weligen twe bonre lans wy scouteit en_ scepen voirs_ henriken borger voirs_ als momb_ d_ vrouwen en_ tcloesters voirs_ jn hebben geguet tot orber des cloesters voirs_ Alle Rechte_ ghewonten en_ solle_pniteyte_ dat onse hof te recht steet daer to ghedaen jn voghen en_ maniren wert dat sake dat niet sijn en mote / datter vrouwen ochte den cloester voirs_ van desen p˚nten voirs_ enige / het weer in enen deel ocht in altemael niet ghenoech en gheschiede van + de_ wenne voirs_ ochte sinen nacomelingen / so sal moghen die vrouwe ocht cloester voirs_ en_ huer momber die jn + der tijt sijn sal dit goet anverden vercopen hantplichten en_ h˚n daer mede behelpen als met hu_en p_p__en erve sonder ymans weder~seggen / alle argelist vytgesloten / / Ghegeven als hijr boven onder den zighel henrics van + der bijsen ons metsghesellen voirs_ des wy gebruken in deser saken desen tegenwerdigen brive der twe es van enen tenoer angehangen want wy genen gemeynen zeghel en hebben / en_ ov_mids bede wilco_en en_ erstelike versuke beyde der p_tien voirs_ teenre co_f__matie en_ vestinge alle en_ een yghelike boven Ghescreven