Corpus Van Reenen-Mulder (CRM14): Oorkonde Q083p36001

Cont si allen luden die desen brief solen sien oft horen lesen dat voer ons Richt_e ende scepene der stat van bilsen van buten is comen zelve eyn besceiden man johan ghenvinc gastman van brucheym en kint dat he hebbe vercocht en_ vercoupe overmits desen brief eersame_ joncfrouwen ende besceidene_ / joncfrouwe katherine_ ende joncfrouwe marie_ van kercheym ghesustere_ non_e_ des cloesters van herkenrode / vijf ghulden ende eynen halve_ guet van goude drie autd schilde gherekent voer vire ghulden oft payment na werde jaerliker ende erveliker renten tote vrb_e derre zelver twe joncfrouwen also langhe als si solen leven oft haerre eyn van hen beiden ende na haerre beider doet ter pitansien behove des cloesters van herkenrode te heffen te nemen ende op te halden alle jaer ewelike ende om_ermeer in sente Remeys daghe aen johanne gastma_ v˚rsproken oft aen sine nacomelinghen op guden ende zek_en onderpant / dat is te wetene op eyn half b˚nre lants ghelege_ tusghen brucheym ende Rode rurende aen maes lant van m_heym van + der eynre siden en_ aen willem honicht lant van + der andere siden ende xvi roden lants ghelegen op den breidenpoel tusghen maes lant van merheym aen beide siden / ende op xv . roden lants ghelege_ aen die winterstrate neven des h_en lant van + der scure_ aen die eyne side / ende neve_ katherine_ der hinne_ lant aen die ander side / welc lant v˚rs_ dat wer helt te ceynse van den Edelen h_e den greve van loen ende hovet aen die scepene der stat van bilsen van bute_ / Met alsulker v˚rwerden / weert dat die v˚rs_ johan oft sine nacomelinghe niet en betaelden die vijf gulden ende eyne_ halven v˚rs_ dene_ joncfrouwen also als si solen leve_ oft haerre eyn van hen beiden ende na haerre beider doet der pitansien v˚rghenvmt alle iaer in sente Remeys daghe also alst v˚rscreve_ is oft ovc hon_e_ sek_en bode dat sich dan die v˚rs_ joncfrouwen ende die meyst_ van + der pitansien na haerre beid_e doet oft hare sek_e bode moghen dinghen tote denen v˚rs_ onderpande met manisse des Richters en_ von_isse der scepene / ende dene_ onderpant halden en_ besitten en_ des ghebruken tote dene_ tide dat hen volcomelic betaelt si en_ gnoch ghedaen van dene_ v˚rs_ ceynse ende van alle coste oft scaden die si hebbe_ mochte_ om_e te verkrighen dene_ v˚rscrev_ ceyns vort meer so gheloeft die v˚rs_ johan dat ghenvmde lant te verrichte_ alle jaer a? den (onleesbaar) weert dat sake dat die v˚rs_ onderpaent queme (onleesbaar) dene_ joncfrouwen oft pitansien v˚rs_ so solde (onleesbaar) bede ghelijc Reynghenoten van dene_ vurs_ onderpande vyt~ghesceiden alle argeliste in desen v˚rs_ saken Ende wer ghis_ van asghe ghis_ van eyghenbilsen arnout van beverst en_ johan van brucheym want wer engheyne_ eyghen zighel en hebbe_ so bidden wer maese van m_heym onsen mede~scepene ende willem otten Richt_ ende scepene met ons der stat van bilsen dat si haren eyghen zighel voer ons willen hanghen aen desen brief Ende wer maes van m_heym en_ willem otten mede~scepene der stat van bilsen van buten om_e bede wille onser mede~scepene v˚rs_ hebbe_ onse eyghen zighel aen desen brief in ghetughenisse der waerheit alre dinghe_ ghehanghen / ghegeve_ in + den jaer ons heren dertien + hondert en_ tsestich des anders daghes na onser vrouwen dagh die wer in + den latine nativitas