Corpus Van Reenen-Mulder (CRM14): Oorkonde Q083p36401

Wy Johan semken van fleytingen scoutete van bilzen moes van merhem lenoel van amelsdorp ghisebrecht van eyghebilzen filips van hoelbeke willem otten arnot van beverst Johan honich scepenen van bilzen van buten doen te weten allen luden met desen openen brive dat voer ons comen es lambrecht man_art van sporcht der aude en_ kent dat hi v_coecht heit nesen es gheheiten natuerlich docter danyels van bivelo en_ ghertruden moersels . Eyn modde rogen pachts van bilzen tricht_ moten erflich te ghelden Nesen voers_ ocht horen gherven jaerlangs te betalen op sente andrijs dach te leveren op di myle van bilzen voer willich modde rogen en_ gheloefde voers_ Es comen lambrecht man_art voer ons Scoutete en_ Scepenen voers_ levende sins liefs en_ jn sinen alingen st˚le en_ heit gheghuet . Nesen voers_ voer dat modde rogen voers_ erflich te ghelden Nesen ocht horen gherven . jn vief roden lants ligen achter henrichs man_arts van den rode En_ jn twelf roden lants sin gheleghen aen den myspelere tusschen sporcht en_ den rode En_ jn achte roden lants ligen bi sporcht op dy mersbeke bi moris lant van sporch En_ jn vier roden lants ligen bi den droghen baemt bi colen wiefs lant van beverst En_ jn achteen roden lants sien gheleghen voer des noenkes hoef van houte bi colen wiefs lant van beverst En_ bi loreis lant van heisvilt En_ dit voers_ Erve ghilt den greve van Loen vier pengningh van den boenre En_ Nesa voers_ heit ghecant lambrecht man_art ocht sinen gherven hoer erdwe_ni_gh aen dit voers_ erve En_ wer Scoutete en_ Scepenen voers_ kennen dat Nesa voers_ heit ghecant hoerre moder ghertruden ghisebrechts dochter moersles hoer toecht aen dit voers_ modde roegen En_ om~dat alle ghudingen en_ alle vorworden verghetelich sien jn der tijt . En_ wer Scoutete En_ Scepenen voers_ jn~gheynen properen sighel jn hebben zo bidde wer moes van merhem en_ willem otten onsen ghesellen dat elc van hon beyden sinen sighel hange aen desen breef En_ wer moes van merhem en_ willem otten om beden wille onser ghesellen jn + ghetughenisse der woerheit zo heinght elc van ons beyden sinen properen sighel aen desen brief jn + de_ jaer ons heren dat mer scrieft ducentich dri + hondertich en_ + vier + ende + sestich des vierdes dachs jn der maent van der sporkillen