Lijst

Corpus Van Reenen-Mulder (CRM14): Oorkonde Q083p38701

Bilzen, 1387

Wir lambrecht va_ mere scoutheit te bielsen Reyner va_ Membr˚gge_ . Jan semken va_ fleytinghen . Jan honich / Joh_es br˚yns ghisebrecht va_ meerhem / wille_ Maes soen va_ meerhem En_ gerit va_ den laer Scepen te bielsen va_ b˚ten Tughen mit dese_ opene_ brieve dat alsulc erf~mudde roggen alse nese die nat˚erlike docht_ was danels va_ biverloe . En_ gertruden moersels vercreghen en_ ghecocht hadde teghen lambrecht man_art van sporck mit alle_ vorwaerden die jn + den scepene_ brief bescreve_ staen / daer dese seghewerdighen l_ren doer ghesteken sijn / dat nese voirs_ dat voers_ erf~mudde rogge_ namaels vercoft hadde h_en henric va_ balshen / En_ doen qua_ Jan maes soen van meerhe_ gheheyten hennijn . En_ bescodde h_en henric voers_ af dese voirs_ erf~mudde rogge_ alse eyn neest gherve En_ dat Jan maes soen va_ meerhem voirs_ tot dese_ voers_ erf~mudde rogge_ quaem mit von_isse en_ mit rechte . En_ dat hijt wael mach g˚eden En_ he_ selver daer af ontg˚eden na onser lant recht / Voirt soe t˚ghen wir scouth_ en_ scepen voirs_ / dat voir ons come_ is mit sine_ vryen Eyghenen wille Jan maes soen va_ meerhe_ voirs_ mit sine_ mo_baer die he_ mit von_isse en_ mit recht ghegeve_ was doen sijn wijf leefde en_ hij in alinghen stoel saet En_ heeft vercocht in eyne_ wittighen cope en_ in eyne_ erflike_ recht laureyns snackart tot orbaer en_ behoef des Capitels en_ goetsh˚ys va_ Mu_st__bilsen dit voirs_ erf~mudde rogge_ bielsens pachts en_ trichter maeten ghelijc alse heet voir~tijts bescodt hadde en_ mit allen denen voirwarden / daert nese voers_ ghecocht hadde tege_ lambrecht man_art voirs_ ghelijc die scepen~brieve in~hauden daer dese doer ghesteke_ sijn En_ Jan maes soen va_ meerhe_ voirs_ mit sinen mo_baer . heeft alsulc erve daer men dit voirs_ erf~Mudde rogge_ vyt ghilt ghelijc als dat ghecleert en_ ghereynt is in den scepen~brief daer dese doer ghesteken is ghedraegen in des richters hant voer dit voirs_ erf~mudde rogge_ En_ heeft daer halmelic op verteghen tot orbaer en_ behoef des Capitels en_ goitshuys va_ Mu_sterbielsen voirs_ En_ heeft hem daer af ontgoedt / behaudelic altoes van den voirs_ erve der Erfwynninghen den ghenen die se van recht thoe~behoert / alsoe dat von_isse wijsde dat Jan en_ sijn mo_baer voirs_ / niet meer rechts en hadden aen dit voirs_ erf~mudde rogge_ / En_ daer na heeft die Richt_ laureyns snackart voirs_ tot behoef des goitsh˚ys van mu_st__bilsen voirs_ dit voirs_ erve voir dit voirs_ erf~mudde rogge_ ghegyfticht En_ heeften daer in / gheg˚edt ghehoeft en_ gherft / ban en_ vrede gheboden nae ghewoenten onser banc recht engheyn poynt after~ghelaten En_ Jan maes soen va_ meerhe_ voirs_ mit sine_ mo_baer / heeft gheloeft op he_ en_ op sijn goet voir he_ en_ voir sine gherven dese_ voirs_ laureyns snackart tot behoef des goitshuys va_ mu_st__bielsen voirs_ dit voirs_ erve voir dit voirs_ erf~mudde rogge_ te w_en en_ te vryen teghe_ alle die ghene die daer mit richt toe spreken m˚chten En_ alle_ voircom_er af te doen als men van erve sculdech is te doen En_ w_e dat sake dat eynich naerre gherve mit rechte bescodden w˚lde alle erghelist vytghesceyden En_ want wir scepen voirs_ en~ghenen ghemeynen seghel . en hebbe_ . Soe hebbe_ wir Jan honich ghysebrecht va_ meerhe_ willem maes soen va_ meerhe_ en_ gerit van + den laer voirs_ ghebeden Reyner va_ me_br˚gge_ . Jan semken va_ fleytinghen en_ Joh_es br˚yns onsen ghesellen en_ medescepene_ voirs_ / dat si desen brief voir hen en_ voir ons beseghelen willen . En_ wir reyner va_ me_br˚ggen Jan semke_ va_ fleytingen en_ Joh_es bruyns om beden wille ons_ gheselle_ voirs_ / soe hebben wir des_ brief voir he_ en_ voir ons mit onsen p_p__en seghelen open beseghelt in ghet˚ghenissen der waerheit alre puynten voers_ Ghegheven jn + den jaer ons h_en gheboerten dusent drye + hondert Seven en_ tachtintich Sestyen daghe in Januario