Corpus Van Reenen-Mulder (CRM14): Oorkonde Q088a38601

Jch willem van pytersheym der edele . doe kont allen luden die desen opene_ brief suelen sien oft h˚eren lesen bekenne_de openbaerliken met desen brieve dat ich voir mich en_ mijnen erven vercocht hebbe met rechter en_ wetliker coema_scap erfliken en_ in rechte van erflicheit eirsame_ wiesen en_ berven luden h_en willeme van haemele h_e te Eld_en en_ Dyricke van pyt_sheym h_e te haren mijne_ neve_ / eyn derde deel van alsulken erfliken g˚eden . als gelegen siin in den gerichte en_ in + der heirlicheit van pytersheym / die mich ov_mits doede . henrichs walnee van pyt_sheym des bastarts geheyten lange heyne_ . aen~gevallen en_ aen~gestorven is Vive hondert dobble mottoyne g˚et van gelde en_ swaer gewichte . die sij mich waele en_ volcoeme_liken betaelt en_ gelevert hebben . en_ daer af ich voir mich en_ miine_ erven . hon en_ honne erven lois en_ ledich quijtschelde met desen brieve . Jn welken derden + deele van + den erfliken g˚eden voers_ / ich hebbe / h_en willem en_ dyric voers_ doen setten en_ g˚eden / ov_mits scouteit / en_ Scepene_ van pyt_shey_ en_ van Lodenaken / en_ hebbe daer op voir hon en_ ov_mits hon verteghen nae cost˚eme en_ gewoenten des hoefs / en_ der banck der Scepene voers_ . en_ vertye daer op voir mich en_ mijnen erven met desen opene_ brieve te orb_e en_ in behoef h_en willems en_ Dyrics voers_ en_ honre erven . . Jn welken derden + deele der erfliker g˚ede voers_ ich hebbe geloeft in g˚den truwen in handen h_en willems en_ Dyrics voers_ en_ gheloeve met desen brieve / die selve h_en willem en_ Dyric en_ honne erven te halden en_ dae inne te w_en bynnen jaers en_ buten jaers en_ alle rechte aensproeke en_ calangie af te doen en_ af te leggen . en_ hon te verantwerden . oft yemant hier~naemaels die gude henrichs walnee voers_ te~maele oft eyn deel . aenspreke . En_ w_e dat sake dat yemant naemaels die g˚ede voirs_ h_en willeme en_ Dyricke voers_ afcrege en_ aengewonne metten rechte soe hebbe ich geloeft als voers_ is / hon weder + te + keren te honne_ willen die hondert dobble mottoyne voers_ . verbende daer omme hon en_ honne_ erve_ in der bester forme_ rechte en_ manieren dat ich can en_ mach . alle mine g˚de erflic en_ gereyde_ die ich n˚ ter tijt hebbe oft naemaels sal moegen hebben en_ vercriegen . Alle argelist vte~gescheyden Jn orconde der waerheyt en_ o_me~dat ich dit geloeft hebbe voir mich en_ mijnen erven vast en_ stede te + halden en_ onv_breekelic Soe hebbe ich miin p_per Siegel aen desen opene_ brieve gehangen En_ hebbe voert gebeden eirsame_ luden Otten van Renne_berch en_ Godarde van vleytingen knaepe va_ wapen want sij ov_ dese voirs_ saken geweist siin . dat sij in meerre kennisse der waerheit honne Siegele aen desen brieve willen hangen by miin Siegel . dat wir Otte en_ Godart voirs_ gedaen hebben te + beden joncher willems van pyt_sheym voers_ . / Gegheve_ jn + den jaere van + d_ gheb˚ert ons h_en Duesent Drie + hondert Sesse en_ tachtentich in + den maende van Meerte