Corpus Van Reenen-Mulder (CRM14): Oorkonde Q090p39301

Jch dyric marcheal die men heit van Mobertingen doe cont allen luden mit desen Opene_ brieve dat ich lye en_ kynne dat ich engheyn recht en hebbe Aen die tyende te Mobertinghen gheleghen ende daer + omtrent welc tiende thoe~behorende es den goetsh˚se ende den gasth˚se te munsterbilsen den heren van sunte servaes te tricht Ende den goetsh˚se te zincke dan also + verre als mich mijn lieve vrouwe / vrouwe Coengont van duyne n˚ + ter + tijt abdisse te mu_sterbilsen ocht ander abdissen die nae hoer comen zullen ende hoer goetshuys gonnen willen Eynen toyust te pacht te hebben te sekere_ jaren die tyende voirs_ Ende alse mijn toyust vyt is Ende mi vrouwe en_ hoer goetshuys voers_ mich dese voers_ tiende niet langer gonnen en willen soe moghen si dese voers_ tiende verpachten soe wyem si willen Allen arghelisten vytghescheiden Jn ghetugenisse welker zaken jch dyric voers_ mine_ p_peren ziegel den tiegenwordigen brieve hebbe Aen~ghehangen / Ende om mere sekerheyt hier af te hebbene Soe hebbe ich gebeden ende bidde eynen eirsame_ ende wysen h_e h_en wille_me van hamele h_e tot Eld_en Ridd_e dat hi in ghetughenisse der woerheyt der saken boven ghescreve met mich sijne_ zigel desen brive willen duen ane~hangen dat ich willem van hamele h_e tot Eld_en Ridder om bede wille dyrics voers_ ghedaen hebbe / Ghegeven in + den iare ons heren dusent drie + hondert . + xc . + ende iij . op sente Johans dach baptisten in den midde~zomer