Corpus Van Reenen-Mulder (CRM14): Oorkonde Q095p37001

Wir Johan van Schoenouwen / Diderich Croempsuyt van hauert Canu_nich der kirken sente Seruoes te Triecht / herman ende lodewijc van Abousdale gebrudere / gekoren mi_lich soenre tusschen Eersame lude . . Deken / ende dat Capitel der vurscreue_ kirken / ende willem van pitersheim hore_ _canu_nich en_ ?proest van der eynre syden / ende willem van Abousdale van der andere / op allen tweyst ende omminlighen saken tuesschen die v˚rg_ p_tien ghoende te saten te soenen / ende te verliken als die selue partien ons des hore open besigelde brieue aen beyden siden ouer~gegeuen haen / Doen kont allen luden in disen brieue / dat wir no der macht des v˚rg_ co_promis besacht hain / ende besegghen eyndrechliken die v˚rs_ partien / dat sie van desen daghe vort steidlich en_ alenclich gesoendt sin solen / alsoe dat der Deken / ? van Pitersheim v˚rs_ vertyen solen luterlich alles aensproechs / ende vurderinge die sie hude te daghe hebben op den selue_ willem van abousdale sine hulpere / ende vort op alle die ghene die sie om des v˚rg_ willems wille in eynger wijs tyen mochten ? eyngen saken die v˚r datu_ dis briefs geschiet of geuallen moghen syn / Ende in geliker wijs besagen wir willem van Abousdale vurscreue_ / dat he op die v˚rs_ heren deken / Capitel / willem van pitersheim / sine dyner ende op alle ondersete der kirken van sente Seruose v˚rg_ ende op alle die aensproke ende vorderinge die he tot hoen wart oft tot eynge_ van hoen hadte om einger saken wille die gevallen of gesciet macht sijn vur datu_ dis briefs clacklois ende luterlich vertyen sole ende sie derre los ende quiet scelden / Vort want wir eynre beteringen die der v˚rg_ partien eyne der anderre doin soelde te + soeten en_ te setten niet wijs en sin op disen tijt ende ons noit is dar op Raet te hebben mit wijsen bescheeden luden no konde ende wairheit die wir gehoert hebben / ende noch horen willen Soe behalden wir ons gants macht die beteringhe te soeten ende te setten na der hant soe wie sye ons donken sal bescedelich / van wilger soenen / en_ betiegenis v˚rs_ wir den deken Capitel willem van pitersheim als ?ietproest / ende willem van Abousdale v˚rg_ beuelen brieue ain beden syden ouer te + geue_ als wir die geordenirt hebben / en_ dat sie dit seggen vurs_ dat wir eyndrechlich gesacht hain stede halden en_ voldoin alenlich as sie dat geloeft hain in horen brieue_ v˚rs_ In orkonden alre saken en_ ons seggens v˚rs_ soe hain wir seggere v˚rs_ onse sigele aen disen brief gehangen Gegeue_ in den joer ons h_en Dusent drie + hondert Seuentich des doenresdachs na onser vrouwen dach hore geborte