Corpus Van Reenen-Mulder (CRM14): Oorkonde Q095p37002

Jch willem va_ Abousdale doen kont allen luden want ich alles tveystes / ende vmminliker saghen die ich goende hadde mit den . . deken ende Capitel der kirken sente Seruoes te Triecht ende mit willem van Pitersheim hore _canu_nich ende ?ietproest / ende sie weder~vmme mit mich bleuen been ain h_en Johan van Scoenouwen / h_en dideric Croemsoet van hauert Canu_nich der vurg_ kirken / ende aen herman / ende lodewijc van abousdale mine brudere einre alenger stedger sonen / also als ich des minen openen besegelden brief gegeuen hebbe Soe bekenne ich openbeirlich in disen brieue / dat mich die vier secgere vurs_ in horen opene_ besegelden briue_ eyndrechtic besacht hebben / dat ich op die vurs_ Deken ende Capitel willem van pitersheim syne diner / ende voert op alle vnderseten der vurs_ kirken vertyen sole op allen ainsproke den ich tot den vurs_ h_en horen ?ietproest / syne dinere / ende vnderseten vurs_ hebbe van wat konne saken dat die dar comen sin v˚r datum dis briefs Ende want ich den vurg_ secgeren gehorsem sin wille so vertyen ich op die vurg_ deken ende Capitel willem van pitersheim sine diner / ende vnderseten der vurscreue_ kirken in alle derre maniren dat vurscreuen steit / Jn getugenis der woerheit so hebbe ich desen lett_en min eygen segel aingehangen / Ende bidde voert herman / ende lodewijch van abousdale mine brudere vurs_ / dat sie mit mich desen lett_en hore segele ainhangen om temere steidgeit / ende geloyue / Ende want wie herman ende lodewijc van abousdale hir bie / en_ ane geweist hebben soe hebben wir om beden wille ons bruders vurg_ desen lett_en onse segele bie dat sin aingehangen vm temere stedgeit ende geloyue Gegeuen in den Jore ons h_en dusent drie + hondert en_ Seuentich des vridachs no onser vrouwe_ dach hore geborte