Corpus Van Reenen-Mulder (CRM14): Oorkonde Q095p39201

Wir Machyel neue va_ Steyne en_ heynric van sint aechten Scepene_ te Triecht getuygen mit desen brieue als scepene_ dat voir ons koeme_ is Dyeric terken va_ Oeken heet oepenbeirlic bekant te halden en_ te besitten die guede dar + af dat ? woerdt ghedoen in + den vernachden brieue dae dis tegenwordich onse brief an is gehangen in name en_ va_ wegen der eirsam_ h_n deken en_ capittel der kircken sint Seruoes te Triecht Alsoe dat der voirg_ Dyeric gheloefde in guden truwen te gheue_ en_ te betalen Goedarde va_ heyendale Rentmeyst_ der h_n vurs_ alsolgen cyens als he io_elix van + den seluen güede_ geldende is heynric van hese ten tijden en_ t_myne_ behoirlic mit verbeyntenisse alle synre guede en_ te peynden mit der büeten Gegeuen jnt jo_e ons h_n Düsent drie + ho_dert Twey + en + noegentich . xxvj . dage in junio