Corpus Van Reenen-Mulder (CRM14): Oorkonde Q095p39301

Wir Machgiel neue van steyne / Ende henrich van sente Aeghten scepene te Triecht tueghen en_ gestaen met desen brieue als scepene Dat voer ons coemen is Johan steymetz_e woene_de in die (onleesbaar) en_ heeft bekant en_ ghelyet openbaerliken Dat hie haldende is en_ besittende in naeme ende van weghen der h_en van senter vaes Alsullich guet alse dae inne hie woent vernacht van Godarde van heyendale Rentmeyst_e der seluer h_en met and_en guede dae by gelegen van welken gueden gewaech en_ me_tie word? en_ is gedaen in + den vernachtden brieue daer aene ons tiegenwerdich brief oft dese cedule is gehangen / En_ hier o_me soe geloefde die selue johan / te gheuen en_ te betalen Godarde den Rentmeyst_e voers_ te orb_e en_ in behoef sinte h_en voers_ al~sulken cens als hie schuldich is en_ schuldich sijn sal jaerlixs van + den selue_ guede_ henricke van hese in den selue_ vernachtden brieue genoe_pt ten t_minen ende hoegetijden als + men ghewoenliken is erfcens te betalen beheltenisse mallike siins rechts / En_ met verbentenisse alle siinre guede En_ te penden metter boeten . Gegheue_ jn + den ja_e van + der ghebuert ons h_en Duesent Drie + hond_t nuege_tich ende Drie des maendes van sporkille des xxvj daeghs