Corpus Van Reenen-Mulder (CRM14): Oorkonde Q095p39303

Wir johan van juyleymont en_ Reynart van Eetzenroede scepen_ te Tryecht getuygen mit desen bryeue als scepen_ dat henric genant qwoede heyne der varwer en_ lijsbet sijn wijf samend_hant ou_mids ons afgyengen / en_ vertegen ten ewigen dagen tot orb_ en_ in behuef wout_s van Molken Margrieten sijns wijfs en_ honre beyd_ eruen vijf Marcke joirlix en_ erflic cijes als + men te tryecht van erue joirlix betailt te betalen te hebben en_ te eruolgen alle jo_e erflic ewelic / en_ o_m__me eyne haleschet tsint johans messe baptisten natiuitas / en_ dat and_ haleschet te kirsmesse van Sesseden + haluer Marcken erfcijes vurs_ die sij joirlix gelden_ hebben als wir van + den vertij_en vurs_ hebben verstanden an en_ op die güede van vrankenberch gelegen in die strate geheijten vur dat Cruys voire en_ achten mit allen honne_ tubeho_e t˚sschen güede eenken des cromers geheijten Crucenberch ter eijnre sijden / en_ die güede ten bertte ter and_e / alsoe voele dar + tu gedoen dat in + der tijt des vertijenisse van allen genoech was geschyet En_ die vurg_ henric en_ lijsbet (onleesbaar) vertyere_ geloefden weringe te doen jo_e en_ dach / en_ buten joers en_ dar + bynne_ alle recht ansproeke / en_ calaynge af te doen als gewoenlic is / en_ dat dese vurs_ güede joirlix vur desen vurs_ cijes nyet meer ghelden dan Sessede + halue Marcke erfcyes vurs_ mit verbeyntenisse alle honre guede erue en_ ?eyde die sij hebben n˚ en_ noemoels o_m__me ercrijgen moegen / En_ te peynden metter bueten Gegeuen jnt jo_e van + d_ geb?rde ons h_en dusent drye + hondert noegentich en_ drye Sessetene dage in + den meye