Corpus Van Reenen-Mulder (CRM14): Oorkonde Q095p39304

Wir Seruaes van Mulken Johan van + den hertte en_ Henric van sente Aeghten scepene te Tricht tuegen en_ gestaen met desen brieue als scepene . Dat voir ons coemen en_ verschenen sijn eirsaeme en_ bescheyden luede . Dats te weten her wouter co˚man priest_ als rentmeyst_ der cense der eirwerdichge_ h_en des dekens en_ Capittels der kerken onser vrouwen der stat voirs_ . en_ in naeme hons en_ van honnen wegen . van eynre partien / en_ Joffrouwe Aleyt van berne wetlike betgenoete johans walnee thoreels van berne van der and_e partien / die selue partien / kanden en_ lyeden openbairliken / dat want sij der eyn met den and_en stoete te~saemen gehat hedden en_ gedinge voir scouteite en_ scepene der stat voirs_ . o_me der erfcense wille die (onleesbaar) en_ Joffrouwe Aleyt voirg_ . jairlix en_ erflic geldende hadden aen den gueden met honnen toebehoerten die voirmaels plaegen te sijn johans geheyten Mechgelman gelegen in die straete by des b?sscops maltmoelen dae men geit te my_rebr˚ederen wart tusschen guede h_en bartholomees sterken priesters Cappellaens der kerken van onser vrouwen voirs_ van erue (onleesbaar) en_ guede Peters wiesken des s?roeders van + der and_e syden . die welke guede . her wout_ voirg_ in orb_e sijnre h_n voirs_ . Ende Joffrouwe Aleyt voirs_ gecregen en_ vernacht hedden / op alle die ghene die rechte dar an hadden als wir verstanden hebben welichs stoets en_ ge?chs die voirg_ partien kanden en_ lyeden openbairliken . dat sij des gans en_ alentliken gesoent gheslicht en_ verleken sulden sijn en_ blyuen ten ewigen daegen voir hon honne eruen en_ naecoemelinge / Met voegen ende manieren hir nae bescreuen . Dats te weten / dat Joffrouwe Aleyt van berne voirs_ ho_e eruen en_ naecoemelinge / aen den seluen guede hebben en_ bueren suelen alle ja_e erfliken Eyne Marcke Sestiene penninghe en_ Twee Capoene en_ stecens jairlix en_ erflix cens als men van erfliken gueden alle jaer betailt in + der stat voirs_ . dat eyn halfscheyt sente johans messe baptiste natiuitas / en_ dat and_e halfscheyt metten Capoenen te kersmesse . En_ wat dese voirs_ guede beter sijn . of moegen worden boeuen den cens joffrouwe Aleyden voirg_ . dat sal sijn en_ toegheho_en den h_en dekene en_ Capittele voirg_ . Met deser voegen . dat der ghene die dese g˚ede criegen sal van den h_en dat hie en_ nae hueme sijne naecoemelinge . laete suelen sijn der h_en en_ ouch joffrouwe Aleyden voirg_ . En_ soe wa_nee of wie deck . eynge gewe_ne ghevallen van den voirg_ guede ou_mits verand_en der voirs_ laeten van alsulken gewenne suelen joffrouwe Aleyt voirg_ en_ ho_e eruen hebben twee deyl En_ die h_en voirg_ eyn deyl beheltenisse des . als men die ghewenne op den voirg_ guede scatten sal / dat men nyt mee afslaen en sal . dan den cens joffrouwe Aleyden voirs_ . En_ dar nae den derden penninch voir den buewe als gewoenliken is / Alle argeliste vytghescheyden in den saeken voirs_ . Gegeuen onder onsen siegelen jn orcunde der wairheyt aen desen brieue ghehangen des ygelic partie voirs_ brieue heen van gelijken teno_e . jn + den ja_e van + der ghebuert ons h_en Duesent Drie + hondert nuegentich en_ drie . xxviij daeghe in januario En_ wir deken en_ Capittele der kerken van onser vrouwen der stat voirs_ . kennen en_ lyen openbairliken met desen brieue . dat alle saeken en_ vorwarden voirs_ met onsen beuele weten_ wille en_ consente / alsoe ghesciet en_ gedaen sijn als voirs_ is . En_ hebben dar o_me in orcu_de der wairheyt en_ meere sekerheyt alre saeken voirs_ ons? kerken siegele des wir dagelics gebrueken totten saeken voere aen desen brieue ghehangen by siegele der scepene voirg_ . Gegeue? ? den ja_e maende en_ daeghe v˚rscreuen