Corpus Van Reenen-Mulder (CRM14): Oorkonde Q095p39401

Wir Vaes Van Mulken Ende Henrich van sente Aeghten scepene te triecht tueghen en_ ge?en met desen brieue besiegelt met onsen siegelen alse scepene dat Gysebrechte van Crueseberch Roedreghere der kerken van senter vaes in + der stat voers_ gelegen ende willem van Crueseberch siin soen Roedregh_e der seluer kerken en_ scepen der heyt van sente Peter voer ons en_ ou_mits ons ghaeuen in erue en_ in rechte van erflicheyt met monde en_ handen den eirba_en en_ wiesen ma_ne h_n willeme van sente margraeten Canonicke der kerken van senter vaes voers_ van hon neemende dat nu es geheyten vranckenberch alsoe alse dat gelegen is voere en_ achter met allen synen toebehoerten op die Muente tusschen den huese en_ guede van den (onleesbaar) (onleesbaar) Johanne van + den creefte ter eynre syden Ende den huese en_ guede van Crueseberch ter andere syden alle Jaer erflich en_ o_me Elue Marcke ende Sessetyene schillinghe jaerlixs en_ erflixs cens als + men alle jaer van erflichen gueden ghewoenlichen is te gheuen en_ te betalen in der stat voers_ te gheuen en_ te betalen alle jaer erflichen en_ o_mermee van h_n willeme voers_ en_ synen eruen en_ ou_mits hueme en_ ? dat eyn halfscheyde daer af sente johans messe baptiste nati_tas Ende dat ander halfscheyde te kersmesse Ende Gysebrecht en_ willem erfghicht_e voers_ geloefden te weren binnen jaers en_ buten jaers erflichen dat dat hues van vranckenberch voers_ jaerlixs nyet mee verbonden en sij te ghelden en_ te betalen dan die Elue Marcke en_ Sessetiene schillinghe erfcens voerscr_ Met verbentenisse alle honre guede Gegheuen jn + den jaere van der ghebuert ons h_en Duesent Drye + hond_t nuegentich en_ vyere des maendes januarij geheyten loemaent des vyefden + daeghs