Corpus Van Reenen-Mulder (CRM14): Oorkonde Q095p39403

Wir henric van sint aechten en_ johan van here scepen_ te tryecht getuygen mit desen bryeue als scepen_ dat Gerart van Ryemst ou_mids ons lijflic erscheyne en_ kande openbeerlic dat eyne Eersame man h_ wilhem van sint Margroeten Canonck der kirken sint Seruoes te tryecht tegen hoem wetlic gecregen hedde / Vijf Marcke erfcyes dar + af gewach is gedoen in + den scepen~bryeuen dar + an dat dese onse tegenwordich bryef is get_nsfigeert mit sinen p_p__en gelde en_ mit Drye Marcken erfcyes vurs_ Twe spreken_ op de_ güede ter lylyen / en_ eyne op güede h_en Mertijns vicarijs der kirken sint Seruoes vurs_ En_ dar + ynne h_ wilhem den seluen Gerarde op den dage dat_ dis bryefs ou_mids ons güede gelijc die bryeue dar op gemaeckt cleerlic begrijpen / ? ? der vurg_ Gerart van Ryemst en_ aleyt sijn wettich wijf gyenge_ samender hant af en_ vertegen ten ewigen dagen tot orb_ en? in behuef des vurg_ h_en wilhems van sint Margroeten en_ sijnre recht_ erue_ der Vijf Marcke erfcyes in den vursten bryeue_ begrepen en_ alle des rechs dat sy dar + an hadden of in eynig_ wijs hebben moegen alsoe voele dar + t˚ gedoen dat in + der tijt des vertyenisse van allen genoech was geschyet En_ der vurg_ Gerart van Ryemst vertyer geloefde weringe te doen jo_e en_ dach en_ buten joers en_ dar + bynne_ alle recht ansproeke en_ calaynge af te doen als gewoenlic is mit verbeyntenisse alle sijnre güede erue en_ gereyde die he heet en_ ercrijgen mach En_ te peynden mitten büeten Gegeue_ jnt jo_e van + d_ gebüerde ons h_en dusent drye + hondert noegentich en? vyer noegen dage in januario