Corpus Van Reenen-Mulder (CRM14): Oorkonde Q095p39404

Wir Reynart van Eetzenroede en_ Goedart van ble?ngen scepen_ te tryecht getuygen mit desen brieue als scepen_ dat eyne Eerbore man h_ wilhem van sint Margroeten Canonck der kirken sint Seruoes te Tryecht ou_mids ons afgyenge en_ verteech ten ewigen dagen tot orb_ en_ in behuef der eerwerdig? h_en deken en_ Capittele der kirken sint Seruoes vurs_ Eyne Marck joirlix en_ erflic cyes als + men te Tryecht van erue joirlix betailt als vur die a?d_e erfged?nkenisse of _memoracie alle jo_e in + der vurs_ kirken te doen o_me heyle en_ troyst der zelen des eerboren h_en h_en zyegers walne van + den nuwensteyne Proest dü he afliuich wart te mechelen en_ de vürmaels deken en_ Canonck geweest was in + der kirken sint Seruoes vurs_ die wilge Marck erfcyes deylen en_ hebben sulle_ alle jo_e deken Canoncke Capellane en_ gesellen der kirken vurs_ als dat aldae in + der seluer kirken gewoenlic is te hebben te büeren en_ (onleesbaar) (onleesbaar) alle jo_e erflic ewelic en_ o_m__me eyne haltschet te kirsmesse en_ dat and_e haltschet tsint johans messe baptisten natiuitas van Twe Marcken erfcyes vurs_ dar + af die and_e Marcke (onleesbaar) den (onleesbaar) der Capellen sint jacobs en_ sint Maryen Magdalenen bynne_ der vurs_ kirken van sint Seruoes gelegen als vur dat erfjo_egetijde h_en Robijns van swalmen walne Canonck der kirken vurs_ der wilg_ der vurg_ her willem op den dage dat dis bryefs ou_mids ons ouch (onleesbaar) gelijc onse and_e brieue dar + op gemaeckt begripen te hebben an en_ op guede Goedards van heyendale gelegen in die hoemestraet voire en_ achten mit allen en_ eyne egeliken honne_ tubeho_e tusschen güede Reyners walne van herborch ter eynre syden en_ guede Geyelijs des scheres ter and_e van wilgen güede en_ cyese gewach w?rt gedoen in + den bryeue_ dar + an dat dese onse tegenwordich brief is get_nsfigeert alsoe dat die twe Marcke erfcyes vurs_ gelijc cys sijn sullen alsoe voele dar + tü gedoen dat in + der + tijt des vertyenisse van allen was genoech geschyet En_ der vurg_ h_ wilhem vertyer geloefde weringe te doen jo_e en_ dach en_ buten joers en_ dar + bynne_ alle recht ansproeke en_ calaynge af te doen als behoirlic is en_ dat dese vurs_ Marcke sond_ ge? sij te gheue_ of te nyemen en_ die guede joirlix ouch vür dese twe Marcke nyet me en gelden dan Elf scillinge en_ Twe hynnen erfcijes vurs_ mit verbeyntenisse alle sijnre güede En_ te peynden mitter bueten Gegeue_ jnt jo_e van + d_ gebuerde ons h_en Dusent drye + hondert noegentich en_ vyer Twe dage in junio