Corpus Van Reenen-Mulder (CRM14): Oorkonde Q095p39501

Wir henric h_e tot Gronstat drossate tot valkenborgh Johan van + d_ lant_uen en_ Johan van M˚lke_ b˚rg_emeyst__e jn + d_ stat van Tricht en_ wir Seraes va_ m˚lken ende Johan van + de_ Creeft scepen der selu_ Stat van Tricht / doin cont allen l˚iden / want t˚sschen den Eirbaren l˚iden Deeken en_ Capittel gemeynlic der kircke_ van Sent_ vaes te Triecht en_ honne_ h˚lp_en op eyne sijde / en_ Gerart van hauert syne_ vr˚nde_ en_ h˚lp_en op dand_ sijde / tweydinghe en_ stoet opgestanden is en_ erkamen o_me h_en diederichs walne van hauert en_ vordijden deeken d_ selu_ kircken van Sent_ vaes / En_ ons alle des stoetz vpgestanden van h_en diederichs weghen v˚rsc_ gentslic gelocht en_ sich v_bonden hebbe_ / en_ sijn eyns seggens / van mynne_ en_ van vestheyde / an vns bleuen / Hir vm soe ist dat wir eyndrechtlic eyns mynliken seggens ou_comen sijn en_ ou_draghen / En_ Seggen alsus o_me mynne soene en_ pays te make_ Jn + den eirsten dat beyde die p_tien v˚rsc_ van allen stoete tweydinghe en_ van alle_ saken tussche_ hon in eyng_wijs erkome_ en_ opgestanden al + tot op + den daghe van h˚iden datu_ dis seggens altenoyl geslicht gesoent en_ geyffent solen sijn tot ewighen daghen als van h_en diederichs weghen van hauert v˚rsc_ in voeghen hij onder + gescreve_ / En_ Seggen alsus dat alle Ro˚f brant gevanghen doeden en_ alle onbetailt gelt t_ eynre sijden of d_ and_e deyn tieghen dand_ quijt solen sijn en_ ? p_tien dar af gentslic gesoent en_ v_slicht . Voirt so is vnse seggen dat deeken en_ Capittel van sent_ vaes v˚rsc_ doin soelen h_en dierich van hauert v˚rsc_ vpten ba_ne en_ heme doin absolutie hebben op honne_ cost bynne_ dit en_ penxten neest comende sond_ argelist Noch is vnse mynlic seggen / wa_t h_ Euerart va_ ? n˚ t_ + tijt deeken tot sent_ vaes Jn + d_ voirtijt Jmpetriert hadde die deekenye van sent_ vaes da~in gesete_ hadde h_ dieric van hauert v˚rsc_ hir om seggen wir vm mynne_ en_ pays wille en_ na~dat he vns selu_ toegesacht heet / dat die vursc_ h_ Euerart gheue_ sal eyne_ van + de_ sone_ Gerartz van hauert te weten Gerarde eyne Canonickz prouende van + d_ kircke_ van sente bartholomees tot l˚idic en_ heme dar in gentslic setten sond_ eynighe argelist jn + d_ versc_ voege_ dat he doin mach bynne_ alre heylghen daghe neest comen_ Jt_ voirt seggen wir dat deecke_ en_ Capittel van sent_ vaes v˚rsc_ gheue_ en_ betale_ solen Gerarde van hau_t Sesse hond_t rijntssche g˚lden of valoir in and_en g˚ede_ golde gelijc d_ wisseler d_ Stat van Tricht kiesen sal jn + d_ tijt d_ betalinghen dar van twe hond_t gulden tsent Remeys messe neest comen_ / en_ noch twee hond_t gulde_ tsent andries messe dar na neest volgen_ en_ die and_e twe hond_t gulde_ te wete_ die leste talinge van + de_ sesse hond_t Rijntsschen g˚lden te joirsmesse neest comen_ / en_ alle weghen na yeghelike_ van diesen drie t_mine_ te tale_ bynne_ achte daghen onbeva_ge_ tot Tricht in die wissel tot valkenborch of tot ned_haren / En_ om~dat wir deeken en_ Capittel vursc_ meir beseggen dan viere hond_t rijntssche g˚lde_ dat is dar vm na~dat vns vuechlic donckt en_ bescheyt dat hon medeCanonick her Johan boecholt den vursc_ h_n dierich syne Canonickz proue_de af Jmpetriert heet Voirt so segge_ wir / om mynne_ en_ eyndrechticheit wille / en_ dat alle p˚ncten te clairlik_ geyffent en_ v_slicht bliuen dat Gerart van hauert of eynich moige va_ syne_ weghen seggen sal so wes h_ dierich van hauert den Got benade mesdaen moght hebben den Eirbare_ vad_ h_n johan Gilis Proest tot sent lambrecht dat is hon leyt / en_ bydden v_me v_geffe_nisse / en_ beg_en dat h_ dierich van hauert geobsoluiert werde En_ hij mit sal die v˚rsc_ Proest voir home en_ alle_ syne_ vr˚nde_ hij in R˚rrende en_ gerart va_ hauert voir home en_ alle_ syne_ hulp_en clairlic gesoent en_ geyffent bliue_ besond_ en_ o˚ch als eyn medeCanonick d_ kircke_ van sent_ vaes vursc_ als va_ h_en dierichs weghe_ va_ hauert v˚rsc_ Alle Argelist in diesen vursc_ sake_ vytgescheyde_ en_ acht_ te late_ In Orkonde der woirheit so hebben wir henric h_e tot Gronfelt Johan van + d_ lant_uen Johan van Mulken Servaes van mulke_ en_ Johan van + de_ Creeft v˚rsc_ vnse p_p__e siegele an diesen tiegenwerdighen brieue en_ seggen gehanghen Gegheue_ en_ gesacht Jn den Jo_e van + d_ geboirt vnse h_en d˚esent drie + hond_t vijf + en + tnuegentich des sondaghs na sente lambr_ daghe des heylighe_ bisscops