Corpus Van Reenen-Mulder (CRM14): Oorkonde Q095p39502

Wir Johan van Juleymont En_ Machgiel neke van steyne scepene te Triecht tueghen en_ gestaen met desen brieue alse scepene dat Reyner van wessem Clerck woenende in + der breytstraeten alse Rentmeist_e en_ opheld_e der Cense der Eirsamer h_en Dekens en_ Capittels der kerken des g˚eden sente Seruais ghelegen in + der Stat van Triecht voers_ en_ van honne_ weghen ghaef in erue en_ in rechte van erflicheyt met monde en_ met hande voer ons en_ ou_mits ons Rutghere valcke van vlenstraeten den varw_e / van des seluen Reyners handen neemende en_ ontfanghende eyn hues oft eyn guet alsoe alse dat gelegen is voere en_ achter met allen sijne_ toebehoerten in + der straeten van lenculen gaende en_ streckende achter al totter schueren h_en willems va_ Eyne_berch Ridders / tusschen den güede peter ghewante des volres ter eynre syden en_ den güede belen büsscops ter and_en syden / alle jaer erflichen en_ o_mermee o_me Eyn ende dertich schillinghe erfcens jaerlixs en_ erflixs cens en_ o_me Twee Capuene als + men jaerlixs in der stat voers_ ghewoenlichen es te gheue_ en_ te betaelen van erflichen g˚eden Te betaelen ende te gheue_ alle jaer erflichen ende o_mermee van Rutgh_e voers_ en_ syne_ eruen en_ oeu_mits hoeme en_ hon gelijker wijs die selue Rutg_e valcke voer hüeme en_ sinen eruen gheloefde dat eyn halfscheyde van + den Eyn en_ Derttich schillingen erfcens voers_ metten Twee Cap˚ene_ voers_ te keirsmesse En_ dander halfscheide sente Johans messe baptiste nati_tas . Jn welichs h˚es of g˚ets voers_ erftaelen oft erflicher ghichten / Reyner van wessem Rentmeist_e vors_ gheloefde in naeme en_ van weghen sijnre h_en voers_ te halden en_ te weren Rutgh_e valcken voers_ en_ Marien moenaerts des selue_ Rutgers wetlich wijf en_ honne_ eruen bynne_ Jaers en_ buten Jaers erflichen en_ o_mermee voer die Eyn ende Derttich schillinghe / en_ Twe Cap˚ene voers_ en_ alle Rechte aensproeke en_ Calangie af te doen alse ghewoe_liken es met verbe_tennisse alle der güede sijnre h_en voers_ / Voert so gheloefde Rutgh_e valcke voers_ aen te leggen in verbeternisse en_ in bouwe en_ ty_meringhe des h˚es en_ g˚ets voers_ Achte dobble mottoyne op + den daeghe datu_ dis briefs ghenghe bynne_ eyne_ Jaere volghende vlochs nae den daeghe datu_ dis briefs te proefenisse en_ wetliken bewijssenisse der wercl˚de en_ der naegeb˚eren als ghewoenlichen es met verbe_tenisse alle sijnre güede erfliche en_ ghereyde die hie n˚ heft oft noemaels sal moeghen hebben en_ vercryeghen En_ te penden metter boeten / En_ opdat die heren voers_ Oft honne Rentmeist_e te bat sekere sijn derre Achte dobble mottoyne voers_ aen te leggen alse voers_ is so heft Rutgh_e valcke v˚rs_ met hüeme teynen bürghe en_ teynen saecwalde gesat Arnolt van vlenstraeten den bruew_e woene_de te lenculen / die h˚eme als burghe en_ saecwalde verbonden heft en_ verbant te beden Rütghers voers_ en_ sine eruen en_ alle syne g˚ede erfliche en_ ghereyde / die hie n˚ heeft en_ hier naemaels sal moeghen hebben en_ vercryeghen Den welken Arnolt die selue Rutgh_e geloefde voer h˚eme en_ syne_ eruen te loyssen te quijten en_ scadeloys te halden en_ te maken van + der ghelofte van + den achte dobblen mottoyne_ (onleesbaar) aene te leggen alse voers_ es verbant dar + o_me den seluen Arnolde hüeme (onleesbaar) (onleesbaar) eruen en_ alle syne güede voers_ . Ende wyr Euera? van ? deken / En_ Capittel voers_ bekenne_ en_ lyen openbaerliken met desen brieue dat der Erfdoem en_ alle saken voers_ met onsen wille en_ _sente gedaen en_ geschiet siin van Reyn_e onsen Rentmeyst_e voers_ van onsen beuelenisse . En_ hebben daer o_me in getuegenisse der waerheyt onsen (onleesbaar) Onser kerken Siegel totten saken voere aen desen brief ghehangen by Siegele der Scepe? voerg_ ouch daer aen ghehanghen . Ghegheuen (onleesbaar) Jaere van + der gheb˚ert ons h_en D˚esent Drie + hondert nuegentich en_ ? des neesten Donresdaeghs nae sunte (onleesbaar) daeghe des heylghen busscops vallende in den maende van Noue_ber (onleesbaar) (onleesbaar) (onleesbaar) (onleesbaar)