Corpus Van Reenen-Mulder (CRM14): Oorkonde Q095p39601

Wir Johan van den hertte En_ florens wijchues scepene te Triecht tueghen en_ gestaen met desen bryeue alse scepene dat florens van den hertte En_ helse siin wief voer ons afgiengen en_ verteghen erfliken en_ in rechte (onleesbaar) erflicheyt en_ ten ewighen daeghen te orb_e en_ in behoef der eirba_e h_en . Dekens en_ Capittels der kercken sente Seruais der stat voers_ omme Marcke erfcens jaerlixs en_ erflixs cens als + men alle jaer van erfliken gueden ghewoenlichen is te gheuen en_ te betalen in der Stat voers_ te neemen te hebben en_ te eruolgen alle Jaer erflichen en_ o_mermee (onleesbaar) eyne_ Rentmeyst_e der h_en voers_ in naeme en_ te behoef hons alse voer dat Jaergetijde willems walnee dekens Roedregher doe hie leifde der kercken voers_ dat eyn halfscheyde van + der Marck erfcens voers_ te kersmesse En_ dander halfscheyde sente Johans messe baptiste nati_tas van drye Marcken erfcens Jaerlixs en_ erflixs cens . bescreue_ en_ begrepen in den (onleesbaar) en_ principaele scepen~brieue aen welichs briefs copien en_ vte~schrichte besieghelt met onsen siegelen onse tieghenwordich brief is gehangen aene ende op den guede die gelegen siin in den stock opt oert van + der alder plancken met allen honne_ toebehoerten voere en_ achter ouch bescreuen ende begrepen in den principale scepen~brieue voers_ aen welichs scepenbriefs copien ons tieghenwordich bryef is gehangen Ende die selue florens van den hertte En_ helse siin wief wetlich wief willems walnee dekens voers_ doe hie leyfde deden hier toe alsoe vele dat in + der tijt des vertyens alse van + der Marck erfcens voers_ die voere die and_e Twee Marcke voersc_ gaen sal ouer al genoech geschiede te orb_e en_ in behoef der h_en van sente Seruais voers_ / En_ sij gheloefden rechte weringhe te doen Jaer en_ dach en_ alle rechte aensproeke en_ calangien af te doen alse ghewoenlichen is . Met verbentenisse alle honre güede erfliche en_ ghereyde die sij nu hebben en_ sulen vercryeghen / En_ te penden metten boeten Gegheuen Jn + den Jaere van der ghebuert ons h_en d˚esent drye + hond_t noegentich en_ Sesse in den hoyemaende des achtden daeghs