Corpus Van Reenen-Mulder (CRM14): Oorkonde Q095p39602

Wir Johan van + den hertte En_ florens wythues scepene te Triecht tueghen en_ gestaen met deser copien ende met desen vteschrichte alse scepene dat wir saeghen en_ in onsen handen hielden en_ examineerden Jn + den ja_e van + d_ ghebuert ons h_en duesent drye + hond_t nüegentich en_ sesse in den hoyemaende des achtden daeghs / eynen scepenbrief gans en_ alinck nyet gecancelleert nyet gescaeue_ en_ alre suspicien derue_de . besiegelt met siegelen miins Johans voers_ en_ henrichs van sente Aeghten scepene der stat voers_ . alsoe als + men eirs? sien mochte welich briefs tenuer volghet hier + nae en_ is aldus . Wir Johan van + den hertte en_ henrich van sente Aeghten scepen_ te Triecht getuegen met desen brieue alse scepen_ . dat Johan menson der scherer steyne_~deck__e en_ Aleyt siin wief same_derhant afgiengen en_ v_teghen ten ewigen daegen tot orb_ en_ in behoef florens van + den hertte heylssen siins wiefs en_ honre beyder eruen . Drye Marcke Jaerlixs en_ erflics cens als + men te Triecht van erue jaerlix betalet te betalen te hebben te bueren en_ te eruolghen alle ja_e erflic eyne haltscheyt tsint Johans messe baptisten midden~zoemer En_ dat ander halfscheyde te kersmesse . aene en_ op güede die gelegen siin in den stocke opt oert van + der alder plancken voere en_ achten mit allen honne_ toebeho_e in die alde pla_cke in guede reyne_de he_richs lyne_weu__s die plaeghen te siin la_brechts van lente des scherres aen eyne syde en_ in die straete o_me ter steene_ wart an güede Claes van stochem des steynmetzers ter and_e Alsoe vele daer toe gedaen dat in der tijt des vertyenisse van allen genoech was geschiet . En_ der voerg_ johan menson . v_tier geloefde weringe te doen jaer en_ dach en_ buten jaers en_ daer bynnen alle rechte aensproeke en_ calangie af te doen als behoerlic is . En_ och geloefde hie te w_en buten jaers en_ daer bynne_ dat die vurg_ guede mit ho_ne_ toebeho_e voere dese Drye marcke jaerlixs nyet mee en ghelden dan drye marcke erfcens voers_ . En_ och suelen dese vurs_ Drye marcke ? johan en_ Aleyt (onleesbaar) voerg_ vertyen erflich . siin sonder ghewe_ne te gheue_ oft te neemen / En_ alle dese saken voers_ mit verbe_tenisse alle der güede . der vurg_ (onleesbaar) vertyere erue en_ gereyde . die sij hebben en_ ercryeghen moeghen . En_ te penden mett_ boeten . Gegheuen jnt ja_e van + d_ ghebüerde ons h_en Düesent Drye + hond_t noegentich en_ Viefue viere en_ twyntich daeghe in Aprille . En_ want wir Johan van den hertte en_ florens wijthues scepene voerg_ dese tieghenwordighe copie hebben vonden en_ gehoert (onleesbaar) en_ ghelijch luedende metten pri_c? scepen~brieue voers_ van worde te worde ernstlicker collatien ten eirsten gemaect van den eynen tieghen den and_en soe hebben wir in ke_nisse der waerheyt onse siegele aen deser copien gehangen jn den Ja_e van noegentich en_ sesse jn + den hoyemaende des Achtden daeghs voerscr_