Corpus Van Reenen-Mulder (CRM14): Oorkonde Q095p39701

Wir johan van juyleymont / en_ arnolt van + den swane scepen_ te Tryecht getuygen mit desen bryeue als scepen_ dat johan kyppe en_ Geertruyt sijn wijf samend_hant afgyengen en_ v_tegen ten ewigen dagen tot orb_ en_ in beh˚ef johans van mulken des jongen kathryne_ sijns wijfs en_ honre beyd_ eruen Eynre Marcke joirlix en_ erflix cyes als + men te Tryecht van erue joirlix schuldich is te betalen sond_ gewenne te gheue_ / of te nyemen / te betalen / te hebben en_ te eruolgen alle jo_e erflic eyne haltschet tsint johans messe baptisten natiuitas / en_ dat and_ haltschet te kirsmesse van Ond_ + haluer Marcken en_ eyne_ cap˚yne grontcyes die johan en_ Geertruyt (onleesbaar) vurs_ joirlix gelden_ hebbe_ als johan kyppe ons lyet v_staen an en_ op g˚ede gelegen in die grachtstraete ghoende achten vyte in die Ramestrate voire en_ achten mit allen sine_ t˚beho_e tusschen g˚ede in die Cloes koere_marckts ter eynre syden en_ g˚ede gobbels des beckers vurs_ ter and_e alsoe voele dar + tu gedoen dat in + der + tijt des vertyenisse van allen genoech was geschyet / En_ der vurg_ johan kyppe v_tyer geloefde weringe te doen jo_e en_ dach en_ buten joers en_ dar + bynne_ alle recht ansproeke en_ calaynge af te doen als gewoenlic is en_ ouch te weren buten joers en_ dar + bynnen dat dese Marcke erfcyes vurs_ sal sijn ewelic sond_ gewenne te gheue_ of te nyeme_ / en_ ouch dat dese vurs_ g˚ede joirlix vur dese / ond_ + halue Marcke en_ eyne_ cap˚yne vurs_ nyet en (onleesbaar) en_ dat de cyes grontcyes sy mit verbeyntenisse alle sijnre g˚ede Erue en_ gereyde / die he heet / en_ ercrijgen mach En_ te peynden mitt_ b˚eten gegeue_ jnt jo_e van + d_ gebuerde ons h_en d˚sent drye + hondert noegentich en_ Seuen Twelf dage in ap_lle