Corpus Van Reenen-Mulder (CRM14): Oorkonde Q095p39702

Wir johan van juyleymont en_ Mathees dünnen scepen_ te Tryecht getuygen mit desen bryeue als scepen_ dat henric Myeme van valkenborch tollen_ te Tryecht h_ Mathijs sijn son pryest_ Cappelane der kirken sint S_uoes ou_mids ons afgyengen ende v_tegen ten ewigen dagen tot orb_ en_ beh˚ef der eerbore h_en deken en_ Capittels der kirken sint S_uoes vurs_ Twe Marcke joirlix en_ erflic cyes als + men te Tryecht van erue joirlix schuldich is te betalen in name als vur erfjo_e geende alle jo_e erflic in + der vurs_ kirken te doen / henrix Myemen h_en Mathijs vurs_ Mechtelden henrix myemen wijf was en_ moed_e h_en Mathijs en_ ou_ ouch mechtelden Cloes wijf was van Pyse docht_ henrix en_ zust_ h_en mathijs vurs_ te hebben alle jo_e erflic en_ o_m__me eyne haltschet te kirsmesse en_ dat ander haltschet tsint johans messe an en_ op g˚ede die wo_en henrix myemen / en_ die nu kortlingen tegen hoem en_ h_en Mathijse in erue genomen heet henric ? en_ ploegen te heyten ten swane gelegen in sint joerijs strate tegen die lantscrone ou_ voire en_ achten mit allen sinen tübeho_e tuschen guede jacobs des ckers ter eynre sijden / en_ guede Arnolds des (onleesbaar) ter and_e alsoe veele dar + tu gedoen dat in + der + tijt des vertijenisse van allen genoech was geschyet En_ die vurs_ vertyere geloefden weringe te doen jo_e en_ dach honre güede En_ te peijnden mitt_ bueten Gegeuen jnt jo_e van + d_ gebuerde ons h_en dusent drie + hondert noegentich en_ Seuen vijer dage in decemb_