Corpus Van Reenen-Mulder (CRM14): Oorkonde Q095p39703

Wir Godenuel van spauden en_ Mattheeus dünnen scepene te Tryecht tuegen en_ gestaen met desen bryeue alse scepene dat Anthonys van spauden alse Rentmeyst_ der eirsamer en_ wieser h_en . . Dekens en_ Capittels . der kercken van sente Seruais der stat voers_ en_ in naeme ? en_ van honnen weghen mechtich en_ moeghich alse hie sachte ghaef in erue en_ in rechte van erflicheyt voer ons en_ ou_m-its ons Claese Enen soene den speelma_ne . Eyn hues alsoe alse dat gelegen is vo_e en_ acht_ met allen synen toebehoerten in die beghartsstraete tosschen den güede Johans ? of johans tyleys des ghewantmekers . En_ den güede kerstiaens mesens des stroedeckers Alle jaer erflichen en_ o_mermee vo_e en_ o_me Derttich schillinghe / Sesse pennynghe en_ Twee Capüene erfcens Jaerlixs en_ erflixs cens als + men alle jaer van erflichen güeden ghewoenlichen is te gheuen en_ te betalen in der stat voers_ Te gheuen en_ te betalen Jaerlixs erfliken en_ o_mermee . van Claese voers_ nu ter tijt sonder wettichen wieue wesende alse hie sachte en_ wir verstanden hebben dat eyn halfscheyde van den erfcense metten Twee capuenen voers_ te kersmesse / En_ dat ander halfscheyde sente Johans messe baptiste . Jn welichs h˚es voers_ met synen toebehoerten erftalen oft erflicher ghichten Anthonys voers_ alse Rentmeyst_ der h_en voers_ geloefde te halden en_ te weren Claese voers_ en_ syne eruen bynnen jaers en_ buten jaers voer den erfcens en_ die capuene voers_ en_ alle rechte aensproeke en_ calangien af te doen alse gewoenlichen is / verbant daer o_me in naeme en_ van wegen siinre h_en voerscr_ alle honne erfliche guede die sij nu hebben en_ suelen vercryegen . En_ wir Euerart van Reys Deken en_ Capittel der kercken van sente Seruais voers_ bekennen en_ lyen dat Anthonys onse Re_tmeyst__ voers_ dat hues voerscr_ met onsen willen en_ _sente in erue gegheuen heeft ghelijch voerscr_ is . En_ hebben daer o_me in kennisse der waerheyt onser kercken siegel totten saken vo_e aen desen bryeue gehangen by siegele der scepne voerg_ och daer aene gehangen . Voert soe bekennen wir Scepene voerg_ en_ tueghen met desen bryeue dat Claes Ynen + soen voers_ geloeft heeft aen te leggen in beteringen en_ bouwe des hues voerscr_ bynnen twee jaeren volgende vloeghs nae datu_ dis bryefs sesse dobble mottoyne en_ dat te proeuen en_ te bewiesen metten werckluden en_ metten naegeboeren alse gewoenlichen is Met verbentenisse alle siinre guede erfliche en_ gereyde die hie nu heeft en_ naemaels sal vercryegen . En_ te penden metter boeten . Gegheuen jn den jaere ons h_en gebuerte duesent + drie + hondert nuegentich e_e seuen in den Oestmaende des elfden daeghs . Ghelijke bryeue heeft ygeliker ?