Corpus Van Reenen-Mulder (CRM14): Oorkonde Q095p39704

Wir Godenuel van spauden En_ Henrich van sente aeghte scepene te Triecht tuegen en_ gestaen met desen bryeue alse scepene . dat wille_ van Crüeseberch scepen der vryeheyt van sente peters en_ Roedreg_e der kercken van sente Seruais en_ Truede van der laecken sijn wief . voer ons en_ ou_mits ons . afgiengen en_ vertegen erflichen en_ in rechte van erflicheit en_ ten ewigen daeghen te orb_e en_ in behoef der eirsamer en_ wieser h_en Dekens en_ Capittels . der kercken van sente Seruais voers_ Seuentiene scillingen en_ sesse pennynghen erfcens en_ eynen Capuene Jaerlixs s erflixs cens als + men alle jaer van erflichen gueden gewoenlichen is te gheuen en_ te betalen in der stat voers_ . die den seluen willeme en_ Trueden wettichen huesluden in rechte van erflicheyt in honre deylinge toeho_ende wae_n alse wir van hon verstanden hebben . van vyeue en_ derttich scillingen erfcens en_ van Twee cap˚enen gescreuen en_ begrepen in onsen bryeue daer aene onse tiegenwordich bryef is gehangen te neemen te hebben en_ te eruolgen alle jaer erflichen en_ o_mermee van der h_en voers_ Rentmeyst_e en_ opheld_e honre cense . soe wie die in der tijt siin sal . dat eyn halfscheyde daer af metten Cap˚ene voers_ te kersmesse . En_ dat ander halfscheyde sente Johans messe baptiste nati_tas . Aene en_ op den halfscheyde van den huese Jacobs ansems de visschers . ongescheyden en_ ongedeelt gescreuen ouch en_ begrepen in onsen bryeue voers_ . Voert willem en_ Trüede wettiche hueslude voers_ afgiengen en_ verteghen erflichen en_ in rechte van erflicheyt te orb_e en_ in behoef der h_en voers_ . eynen capuene jaerlixs cens . te neemen te hebben en_ te eruolgen alle jaer erflichen van den Rentmeyst_e voers_ te kersmesse . aene en_ op eynre cleenre cam_en . alsoe alse die gelegen is acht_ den huese voers_ in voeghels~rueweken tusschen den seluen huese en_ eynen huese dat toeho_ende was Johanne walnee van haeren den vyssch_e n˚ toeho_ende beateren maryelen synen wieue . en_ Symone van ha_en honre beyder soene . En_ die voers_ willem vertyere dede hier toe alsoe vele dat in der tijt dis vertyenisse voers_ ouer al genoech gesciede te orb_e en_ in behoef der h_en voerscr_ . En_ hie geloefde voer hüeme en_ synen eruen rechte weringhe te doen jaer en_ dach en_ ouch bynnen Jaers en_ buten jaers en_ alle rechte aensproeke en_ calangien af te doen alse gewoenlichen is . Met verbentenisse alle siinre guede erfliche en_ gereyde die hie nu heeft en_ naemaels sal vercryegen En_ te penden metter boeten Gegheuen jn + den Ja_e van + der ghebuert ons h_en Düesent drye + hond_t nüegentich en_ seuen Jn + den oestmaende des nuegende daeghs .