Corpus Van Reenen-Mulder (CRM14): Oorkonde Q095p39801

Wir johan van Juyleymont en_ Mathees dünnen scepen_ te tryecht getuygen mit desen bryeue als scepen_ / dat anthonijs van spauden als Rentmeyst_ en_ opheld_ der cyese der h_en deken en_ Capittels der kirken sint S_uoes te Tryecht van honne_ wegen ou_mids ons bekande dat die h_en vurg_ in eynen tyde omtrent drye jo_e leden in erue hedden gegeue_ lambrecht genant lamson den houtmeng_ en_ Sophyen sinen wyue Eyne hoefstat gelegen op ghene boxstat voire / en_ achten mit allen ho_en tubehoirten tuschen güede Mathijs van byecht des beckers ter eynre syden / en_ tpanhuys leonards walne van lyechtenburch ter and_e alle jo_e o_me / acht + en + twyntich scillinge joirlix en_ erflic cyes als + men te Tryecht van erue joirlix schuldich is te betalen / En_ want by v_sinnenisse du t_ + tijt derre vurworden gheyne bryeue gemaeckt en wo_en en_ beyde p_tyen vurs_ dis n˚ bryeue begheren te hebben Soe ern˚wede anthonijs vurs_ van + d_ h_en wegen vurg_ desen erfdum en_ ghaf den vurg_ lambr_ lamson mit hande en_ mit monde die vurs_ hoefstat mit ho_en tubehore in recht van erue / alle jo_e o_me die vurs_ acht + en + twyntich scillinge erfcyes te betalen eyne haltscet te kirsmesse en_ dat and_ haltscet tsint johans messe En_ wir deken en_ Capittel der kirken sint S_uoes vurs_ loeuen stedigen den erfdum vurs_ en_ kenne_ dat onse weten / _sent / en_ wille is / wye vurs_ steyt En_ geloeuen vur ons en_ vur onse nacomelinge / die vurs_ (onleesbaar) en_ honne erue_ in + den gueden vurs_ bynnen joers en_ buten joers dar + ynne rastlic en_ vredelic te halden vur den alingen cyes vurs_ en_ alle recht ansproeke en_ calaynge af te doen als behoirlic is dis alles te getuyge der woirheyt soe hebbe wir onsen segel des wir totten saken gebruyken by segele der scepen_ vurg_ voire an desen bryef gehangen Gegeuen jnt jo_e van + d_ gebuerde ons h_en dusent drye + hondert noegentich en_ acht / ry + en + twyntich dage in augusto gelijc bryeue hebben beyde p_tyen