Corpus Van Reenen-Mulder (CRM14): Oorkonde Q095p39802

Wir henrich van sente Aeghten . En_ florens wythues scepene te Triecht tuegen tuegen / en_ gestaen met desen bryeue alse scepene dat henrich passchart van Eyke der Cremer en_ Roedregh_e van onser lieuer vrouwen kerken . willende en_ begh_ende alse hie sachte dat Aleyden walnee van Eycke siins eirsten wiefs / doe sij leifde / begraeuen in den omganghe der seluer kercken . en_ siin Jaergetijde en_ honre (onleesbaar) gedaen en_ begangen werde jaerlixs . van den h_en . . Dekene en_ Capittele der kercken voers_ . alse ghewoenlichen is / afgienck en_ verteigh / voer ons en_ ou_mits ons erflichen en_ in rechte van erflicheyt en_ ten ewighen daeghen te orb_e ende in behoef der h_en voerscr_ Tyene schillingen erfcens jaerlixs en_ erflixs cens als + men alle jaer sculdich is te gheuen en_ te betalen in der stat voerscr_ van erflichen güeden / . Te neemen / te hebben en_ te eruolgen Jaerlixs erflichen en_ o_mermee van der h_en voers_ Rentmeyst_e en_ opheld_e honre cense . soe wie dee in der tijt siin sal . aen en_ op den guede Jacobs walnee donres . des laken~scheerres en_ siinre kynd_e dat nü toeho_ende is Johanne strueu_e van huelsberch oft van bunde wapent˚erre alsoe alse dat guet gelegen is voere en_ acht_ met allen synen toebehoerten in der straeten gelegen by senter Claes proffien kercken . tusschen den gueden Johans strüeuers voers_ ter eynre syden En_ den güeden Gerarts van Coelen ter andere syden . dat eyn halfscheyde van + den Tyen schillinghen voers_ sente Johans messe baptisten nati_tas / ende dat ander halfscheyde te kersmesse / Ende . henrich passchart vertyere voers_ dede hier toe alsoe vele . dat in der tijt dis vertyens alse van den Tyene schillinghen erfcens voerscr_ ouer al genoech geschiede te orb_e en_ in behoef der h_en voers_ alse voele dat jaergetijde voers_ te doen ghelijch voerscr_ is . Ende hie geloefde rechte weringhe te doen Jaer en_ dach . en_ alle rechte aensproeke en_ calangien af te doen alse ghewoenlichen is / Met verbentenisse alle siinre güede erfliche en_ gereyde die hie nu heeft en_ naemaels sal hebben en_ vercryeghen / Ende te penden metter boeten . Gegheuen jn + den ja_e van der ghebuert ons h_en Duesent Drye + hondert nuegentich en_ achte . des Twyntichstes daeghes in den Meerten