Corpus Van Reenen-Mulder (CRM14): Oorkonde Q155a36101

. . Jch Johan van Repe / d˚yn kont allen den ghene_ die desen brief zulen sien oft hoere_ lezen ende bekenne oepenbeirlike dat ich mit g˚yder voerdachticheit ombedwongen van yema_t / ende g˚yden wille ende consent Jonfrouwe_ Jutte_ Mijnre liever ende wetliker huysvrouwe_ / qwijt gescouden hebbe ende gegheve_ in gerechter ghichte_ voer mich ende mijne erfname_ / Eersamen luden . . Den lantCo_mend˚r ende ghemeyne_ h˚yse van den biessen van den ordene_ ons_ vrouwen van Jherusale_ / n˚ghe_ alde groit van vranckrijke ende twe ?apoen / Jaerliker ende erfRente_ die~wilghe si mich end mijnen erfname_ sculdich ware_ Jaerlichs te betalen van eynen ?mde de geleghen is tuschen Nyeder~repe ende vriheren op eynre stad geheite_ ten wierstede rurende te eynre siden aen mij?s selfs erve / ende van twen andere_ / aen erve des . . Buscops van Luytke ende sijnre kerken Ende den~wilghen bamde der vors_ven lantco_mend˚r ende h˚ys van den Biessen vi˚t~gegheve_ hebben te erf~pacht Johan va_ werme o_me vijf gulden ende ey?e_ . halve_ . drie schilde van den alsten voer vier gulden gerekent / Wilghe ghichte ich gedoen hebbe in tieghenwordiche? ?re loeten he onder bescrieve_ / want der vorghenoemde bampt mijn loetg˚yt is / ende hebbe voer mich ende mijne_ erfname_ vorsc_ven geloeft ind geloeve in g˚yden truwen den vorghenoemden . . lantCo_mend˚r ende h˚ys van den biesen voer mijne_ loete_ / si noch hoere nacoemlinge nu_mermeer in egheyne_ tiden / o_me derre vorscrieve_re n˚ghen aulde groet ende twe capoen wille aensproeke te d˚yn / noch hindernisse / ende si los ledich en_ qwijt dar af te haulden in g?n tr˚wen oen arglist / beheltenis / dat der selve . . Lantco_mend˚r / ende h˚ys van de_ biessen van eyne_ hellinge cens / den J? aen den vers_ven bamde mich ende mijne_ erfname_ behalden hebbe / mich eyne_ loete setten z˚len / den te betalen alle Joer op Sinte Stephoens dach . . Ende oever diese zaken hebbe ich geheischt mijne loeten Johan Marock van nieder~repe / willem ver Gertruden zoen / Gizelbrecht en_ aelbrecht sijne br˚dere / willem stephen / Johan bosman / den~wilghen ich gebeden hebbe ende bidde / dat si alle diese versc_ven zaken in h˚den haulden / Ende hebbe toe oerkonde ende get˚ghenis der warheit aller dieser vorsc_venre denghen / voer mich / ende mijne erfname_ / ende ouch te beden mijnre loete_ vorsc_ven want si egheine_ ziegel en hebben / mijne_ p_pre ziegel aen diesen brief gehanghe_ . Diese zake geschieden in den Joer ons heren dusent dri + hondert / + Sestich ende eyn / des Moendaegs in den Penchstheilgen daghen / op wilghen dies brief gegheven waert . .