Corpus Van Reenen-Mulder (CRM14): Oorkonde Q156a35601

Ane Allen Die~ghene Die dese Littere present soelen ane~Sien ocht Hoeren Lesen Richtere end zevene ghesworen eyghensghenoete eens edels end mechtes heren . heren des Greven van loen doen groute in onsen here met bekinnisse der wareyt der dinghen die onderscreven staen End doen te wetene vch allen ghemeynlike dat ov_mits die zaeke die onder begrepen es vore ons op die kerchoef van loen onder die linden doe men van eyghene goede des voreghenoemdes heren sgreve_ van loen plict gherichten te haudene Comen siin in presence Eersame lide end besceyden heren her steve_ van wassenbergh ziben soene end her Johan beyde Canonike te vdelenberghe met wittegher p_curacien va_ der h_en weghen sproefs end capitule_ van vdelenb_ghe End her Reynere hoen Com_enduer des h˚es der dijtschheren van den bijssen en den name end ten orbore der~zelver heren van den bijssen . van der andere partien Soe woer bi dat die~zelve p_curere van der heren weghen bekanden end beliden oppenbaerleec end met willen hoers onbedwonghen dat die vorgh_ p_cureren v_cocht hedde_ i_ name vorgh_ den vorgh_ Com_end˚er in name end ten orbore vorscreve_ copende allen alsulke goede als die vorgh_ h_en van vdelenb_ghe hebbende waren binnen der groesscap van loen et were pacht . teende tseys cap˚ne oft cormeyde met al der heerlijcheyt die hon toe~horende was om_e eene zekere som_e van ghelde den~zelven vercoperen ov_mits denen Com_enduer ghereytt betaelt alincleec end wittelec vergouden Om_e welke zaeke die~zelve vercoperen die alinghe goede op~droughen in handen ons Richters vorgh_ in den name des Com_end˚ers in den orbore der h_en van den bijssen vorscreve_ end verteghen end Renu_cierden doer op in denen goede nom_en Rechs noch eyghedoms den vercoperen engheenrewijs te behaudene End om_e die zaeke hebben wee den~zelve_ Com_end˚er ten orbore vorgh_ in denen~zelven goede behaudelex eenyghelijx betsten Rechte met messe Ressche end grounen Rijskene noe dat ons hoef te Rechte steet end ghewoente ons lerende es met bannen end allen anderen behoersamheyden die men doer in plict te doende end die doer touwe ghewoenlec sijn hebben in~ghegoett end touwe~ghegoett Soe~dat ov_mits menisse ons Richters end een alinc vonnisse end eendrechtelijcheyt onser eyghenscernoete ghewijst waert ter selver stede dat den vorgh_ Com_enduer in den name des orbors voergh_ van den~zelve_ goede were volcomelijc gnoech ghedoen Ende doer noe want die v_coperen kanden dat men dat ghelt dat die v_coperen trecden van den goede vorgh_ voert~legghen zoude ane andere goede die den vorgh_ h_en van vdelenb_ghe p_fiteliker gheleghen were soe gheloefden die~zelve p_curere van der h_en weghen van vdelenb_ghe weert dat zake dat den vorgh_ h_en van den bijssen scade moetenisse ocht crot naemaels queme in den goede ghecocht vorgh_ die scade moetenisse end crot souden sij ghelove_ ave te doende den h_en van den bijsse_ end dat bekinnen vore die hove doe die goede in gheleghen weren die sij op die andere stede ghecrighende soude sijn end dat die~zelve goede souden te holpen derre scaden moetenissen end crotte onderpant bliven den~zelve_ h_en van den bijssen Allen dese poynten lede ons Richt_e vorgh_ in houden end in beheltenisse onser eyghenscernoete vorscreve_ End in ghetughenisse wareyt end vestinghe allen der dinghen die vorgh_ staen Soe hebben wee den zieghel ons eyghens hoefs vorgh_ overmits bede ende verz˚eken der partien vorgh_ der litt_en present ane~ghehanghen Ghegeve_ in den Joere ons _en doe men screef van sijnre gheb˚erten dusent drie + hondert vijftich end sesse des twintechs daechs binnen hoymaende .