Corpus Van Reenen-Mulder (CRM14): Oorkonde Q156a35602

Ane Allen Die ghene Die Dese Littere present Soelen Ane~Sien ocht Hoeren Lesen Richtere end Zevene ghesworen eyghensghenoete eens edels end mechtes heren . heren des greve_ van loen doen groute in onsen here met bekinnisse der waereyt der dinghen die onderscreve_ staen End doen te wetene vch allen ghemeynlike / dat ov_mits die zaeke die onder begrepen es / vore ons op den kerchoef van loen onder die linden / doe men van eyghene goede des voergh_ heren sgreve_ van loen plict gherichten te houdene Comen sijn in presence / eersame liede ende besceyden dat es te wetene Annen welne wettich wijf was meester brouns goutsmeets van sintrouden / van der eenre partien / End annen hoerre dochter met hoeren wettighen manne Johanne van der borgh manne van woepenen wettich soene heren lodewich van der borgh van br˚steme Ridders kathelinen wittich dochter der vorgh_ annen met amilise van lasscijt horen wettighen manne / Juthen broune end Johanne kindere wettich der selver annen end meester brouns vorgh_ van der andere p_tien / Die zelve anne moeder derre kind_re / droech op met monbore de hoere ter zelver stede verleent was / in den handen ons Richters / ten orbore end in den name der vorgh_ kind_re / allen hoere tocht end hore Recht dat die anne hebbende was / in tene boenre lants luttel min ocht luttel mee eyghens goets der moeten van loen gheleghen in den ghevelte van hadelinghen ghelijc dat onder ghenoemt es / als goet dat eerfleec oerstorven was den zelven kinderen als noe doet hoers vaders meester brouns voergh_ / End ov_mits dat soe goeden wee die zelve kindere met hoeren mo_boren alincleec in denen goede / als vore hore erve / met der tocht hoerre moed_ vorgh_ / noe allen Rechte shoefs vorgh_ / End want doer noe die zelve moed_ met horen kinderen end mo_boren vorgh_ oppenboerleec end met willen hoers kanden end beliden / dat die zelve goede / meester broun doen hee leefde end siin hoefvrouwe vorgh_ / ghoven den zelven Johanne van der borgh in vorwerden van huwelike deen hee beghinc met annen hoere dochter vorgh_ . Doer om_e droughen die and_e kindere end amilijs vorgh_ / oppe in handen ons Richters / dese zelve goede / in name end ten orbore Johans van der borgh end annen siins wettichs wijfs vorgh_ / ov_mits dat si + se met vorwerden van huwelike begrepen hadden / end verteghen doer op noe des zelves hoefs ghewoente / Soe~dat si engheen Recht doer in en + behijlten / Overmits welke zaeke wee den zelven Johanne met sinen wive in denen alinghen goede hebbe_ in~ghegoett end touwe~ghegoett / Soe~dat we kanden end wijsden dat hon van denen goede were volcomeleec gnoech ghedoen / behaudelec altoes enyghelex betsten Rechte in denen goede / noe dat der hoef te rechte steet Noe allen welke ghescinisse der zelver stede end ten zelven tiede vore ons woren ghestoen in presence / om_e die zaeke onderscreve_ / Johan van der borgh end sine wettich wijf vorgh_ / Als van der eenre partien / End een eersaem man end besceyden here her Reyn_e hoen Com_end˚er des h˚es der dijtschgheren van den bijsen / in den name end ten orbore der zelver heren / van der andere p_tien / Soe woer bi dat die zelve Johan end sine wettich wijf kanden oppenborleec end beliden met willen hoers end onbedwonghen / dat si vercocht hedden die zelve goede / den vorgh_ Com_end˚er in name end ten orbore vorgh_ / copende / om_e ene zekere som_e van ghelde / den zelve_ vercoperen ov_mits denen Com_enduer ghereytt betaelt allinclec end wettelec vergouden / Om_e welke zaeke die zelve vercoperen / die alinghe goede op~droughen in den handen ons Richters vorgh_ / in den name des Com_end˚ers in den orbore der h_en van den bijssen / end verteghen end Renu_cieerden doe op / in denen goede nom_en Rechs noch eyghedoms hon engheenre wijs doer in te behaudende End om_e die zaeke / hebben wee den zelve_ Com_end˚er ten orbore vorgh_ / in denen zelven goede / behaudenlex enyghelex betsten + Rechte / met messe / Ressche / end groenen Rijskene / noe dat ons hoef te Rechte steet end ghewoente ons lerende es / met bannen end allen andere behorsamheyden / die men doer in ? te doende end die doer touwe ghewoenlec sijn / hebben in~ghegoett end touwe~ghegoett / Soe~dat ov_mits manisse ons Richters / end een allinc vonnisse end eendrechtelicheyt onser eyghe_scernoete / ghewijst waert ter selver stede / dat den vorgh_ Com_end˚er in den name des orbors vorgh_ van den zelve_ goede were volcomelec gnoech ghedoen End doer + noe gheloefde Johans weerdinne vorgh_ dese goede nom_ermee te kalengierene noch met denen mo_bore noch met enghene_ anderen noe des hoefs ghewoente Die goede sijn dese Jn den eersten ligghen achtene end ene halve Rouden luttel min ocht mee in der stede gheheyte_ Godeverts delle bi lant Johans soens beetsen van waelhoven ter eene ziden / end lant sheylichs ghees van lewe ter andere / Voert ligghen achtene Rouden ocht doer bi in der stede gheheyten in + de nerlinc tussche_ lant h_en merttijns van loen Ridders te twe ziden / end lant sautaers sint_ cloes van velme van der derder ziden / Voert twe boenre end een half luttel min ocht mee ligghen op den weech de gheet te mo_tenaken weert bi lant der h_en sinte peters van ludeke op deen zide end bi den weech de gheet te musen weert op dandre / Voert ligghen achte end twintich Roude_ luttel min ocht mee bi den haechdoren op den weech dee gheet te ghinghelem weert bi lant ghilis altb˚eter op deen zide / lant shoefs van Cameric op dandre / end lant welne was librechs wijfs van borloe op die deerde zide Voert ligghen achte end twintich Roude_ luttel min ocht mee in der stede gheheyten quadec˚le bi lant sheylichs~ghees van lewe op deen zide lant der pitancien des moensters van sintrouden op dandre / end lant ghilis altb˚eter op die deerde . Voert onderhaelf boenre luttel min ocht me es gheleghen op den bosch bi lant h_en mertijns van loen vorgh_ op deen zide / lant der kind_re welne lambrechs van pa_brucge_ op dandre end lant der non_en van orienten op die deerde Voert onder + half boenre _ams es gheleghen biden gracht gheheyten hergracht bi lant h_ mertijns van loen vorgh_ . op deen zide end adoems van herent op dandre Jn den leesten lede onse Richtere allen die poynten vorgh_ in houden end beheltenisse onser eyghenscernoete End in ghetughenisse vestinghe end sekerheyt allen der dinghen die vore ghesproken sijn / hebben we den zieghel ons eyghenshoef ov_mits bede end versueken der p_tien vorgh_ deser litteren present ane~ghehanghen Ghegheve_ in den Jaere ons heren doen men screef van siinre gheboerte . + dusent + / drie + hondert + / vijftich end sesse des Twinttechs dach binne september .