Corpus Van Reenen-Mulder (CRM14): Oorkonde Q156a39201

Allen den ghenen dy desen tjegenwordighen Brief soelen sien of hoeren lesen groete en onsen Heere Gode met Kennise der Wairheiden Wij Richtere en_ Seven geswore + man eygensschegenoten eins Edelen en_ vermoegenden princhen des Greven van Loen D˚n kunt dat vo_e ons Comen sijn onder den lynden op + den kercho˚e der kerken van loen Andries reys wisselere in + der Stat van Tongren met Roese Ghilis zone was van lancdriesch op die eine partie / ende Katline Bollinx van Tongren ter andere partien dy vorscr_ Andries sijns g˚etz moets willen en_ onbedwonghen kande en_ lijde openboirlich dat he met wille en_ Consente des selven Roes ende meer andere sijnre moeghe en_ vr˚nt / dwillich die vor_ Roes kende dat woirheit weere dat sij samender + haint vercogt hedden en_ Roes den goets pen_ingh dair af genome_ hedde van + der selver katlinen en_ dat ghelt van ho_e wale gehave_ / als van alsodeinghen lande ende Er˚e als hij no van stucke te st˚cke bescr_ en_ gecleirt is En_ begherden die_ vors_ Andries en_ Roes dat der vorsc_ katline_ van + den lande en_ Er˚e hijr no bescreve_ volcomelike g˚di_ge mochte ghescien en_ versoechten mich den Richt_e vors_ dat ich eine_ van + de_ eygensschegenote_ mane_ woilde dat ich die Richtere vors_ dede willighen menisse wij onderhorich woren en_ ons dair op beroden wijsden dat ons noch wale ghedechte dat Joffrov yde van Nyel Johans va_ Jesscheren knapen van wopen wettich wijf was Marie honne wettighe dochter ende Ghilis van Lancdriesch den god ghenedich sij den vor_ Andriese met menysse von_isse en_ met allen den rechte dair toe horende voere ons hadde_ geghicht en_ gheguet / no dat / dat / cleirliker begripe_ en_ en~hebben die brieve do + op gemaect en_ besighelt Also dat wij nyemanne anders in + den g˚eden hijr + no gescreve_ en hielden dan den vorg_ Andriese Ende of he woilde dat he dan eine_ leyen mo_bor sette dat hy dede en_ dat lant hijr no gedeclareert op~drughen soilde en_ dair op vertyen te vrberen en_ en name der vor_ katlijne_ en_ dat + men dan der vorg_ katlinen enden selvelande en_ Er˚e ghichte g˚edinghe en_ ban d˚n soilde beheltelijck einen ygelike_ sinen Rechz no dat onse hof te recht steyt Dy willege Andries also beroden was dat he dat Erve en_ lant hijr + no bescreve_ opdr˚ge Met Messe Rijssche en_ einen rijse met sinen mombore hoeme dair toe verleent verteich dair op en_ dede allen dat hy van rechte schuldich was te d˚n te vrbere en_ en name der vorg_ katlinen no dat onse eygenssche hof te recht steit en_ dat wij gewijst hadden dat te d˚n willigher katlinen ich die Richtere vorsc_ met menysse von_isse en_ met allen den rechte dair toe horende behaude_ eins ygelijxs recht ghichte en_ g˚edinghe dede met ban_e en_ allen anderen rechte dair toe horende willighe saken alle_ ende eine ygelike vors_ jch die vorsc_ Rychtere En hoyden der vors_ eygensschegenote_ lachte en_ hoeren ghedenchenisse bevael Ende Wij die eygensschegenoten bovengescr_ kenne_ en_ lijden dat die vors_ saken also vo_e ons geschiet sijn en_ en onser hoide_ gelacht en_ dat wij onse recht ons dair af horende wale ghehat hebben En_ dit is dat lant en_ ghuet bove_geroirt Jn + den eirsten xxxj + . Rueden lants en_ xvj cleine ghelege_ bij lant der Abdissen van herkenRode t_ einre sijden ter andere sijden der monch lant va_ S_ lambrechs dael vo_e Rampe_ hof te Rudercove_ Jtem . + xxvij R˚ede_ groet lantz ghelegen achter Roes hoef bij lant Joha_s van nyele ter eynre sijden en_ der kerken lant van nyele aen thoit / Jtem ein bonre lants ghelege_ op stackenb_gh bij lant Andries ver Penxten ter einre sijden en_ Robijn hoens lant va_ vrodelinghen ter andere sijden Jtem . + ij + . groet Rueden jnt ghevylte va_ hackemere bij lant ? sfleminx ter einre sijden en_ ter andere sijden dla_t der h_en vnser vrouwe_ te Tongren Jtem . + viij + . groet Rueden in + den selven velde geleghen bij lant Govart melkartz t_ einre sijden t_ and_e sijden dla_t Der h_en van onser vrouwe_ te Tongre_ Jtem . + viij + . groet Rude_ lants en_ ix cleine ghelege_ op eycvelt t_ einre sijden dlant Joffrov katherinen kendere va_ nyele op dandere sijde der heirwech JN tughenisse willigher saken en_ om dy vast en_ stedich te houden wij den Sighel ons eygenshoef desen brieve hebbe_ aengehange_ jnt joir ons heren als + men scrijft Dusent dri + hondert Noegentich en_ twe op Sinte Andries Avonde Apo_l__