Corpus Van Reenen-Mulder (CRM14): Oorkonde Q156a39601

Wij Rychter ende Seven Gesworen man_e Eyghensghenote eens edels heren ende eens mechtichs prenchen / Dez heren dez Greeve_ van Loon ? Gr˚ete jn onsen here gode met kinnisse der waerheit der dinghen onderbescreven / Ende doen te weeten dat daer om voer ons jn ? onder den lijnden dez kerchoefs van lone jn een eersaem stat ? een gewoenliche ende daer men van + den eyghensschen goeden des voers_ h_en ? Greeve_ van loon af te tracteren pleeght / jn sijns selves p_peren ? gestaen es comen / Johan_es geheiten moentsaert / clercke / als ? en_ Rentmeister jn + der tijt / Eerbariger ende wijser heren / ? Deekens en_ der Capitelen / Su_te Od˚lphs kerken van loon (onleesbaar) anniversarien en_ jaerghetijden / der voerseeder kercken ende godshuyse t˚ebehorende / jn name en_ van + der capllaen en_ ? die men seeght Missas legent_ jn + der selver kercken voerscr_ Die wilghe voerg_ Johan_es jn name en_ orbaer voers_ ons ? voerg_ condichde en_ openbaerde als van . + vier + . m˚dde rogghen jaerlix ende erflix pachts / Mate der Stat van loon / gelegen aen ? op . + drie + . boenre en_ . + neghen roeden / groot / lutel men of meer ackerlants / ghelijc dat hier onder en_ naemaels van stucke te stucke gedeclareert bescreve_ staen / Die wilghe voers_ . + vier + . m˚dde rogg_ jaerlix en_ erflix pachts / jn + den tijde voerleeden / een Eersaem en_ wijs here / h_e heinric van Su_te margriete_ / Deecken der selver kercken voers_ wilnee was der genediger gedinckenisse / jn voeghen ende forme_ van testame_te en_ jn puerliker aelmoesen / gelaten ende besat hedde den selven capellane jn + der voerseeder kercken die men seeght . missas legent_ voers_ / Ende ouch die selve vier m˚dde rogg_ jaerlix ende erflix pachts voerseet / gecocht en_ verkreeghen worde_ tieghen den auden Johan_e van hoorne wilnee was aen ende op die selve . + drie boenre ende . + neghen roeden ackerlants / nae becleert en_ bescreve_ ? + ? ? die erfwinni_ghe t˚ebehorende es gedeylt ende gez˚ndert jn . + vijf + . ? Te wete_ den auden Johanne van hoorne nv ter tijt es die . + drie ghedeelten der joncfrouwe_ danyels wijf was van hoerne dat vierde gelang ende herman_e van hoerne dat vijfte deel / als van + d_ erfwinni_ghen der . + drie boenre ende neghe_ roeden ackerlants nae becleert . / Overmits der welker saken wylle / weyr eygensgenote voerseet / nae aenbrenghenisse onser audere en_ voerseete_ / kinne_ ende hauden dat die voerseede capellaen en_ priest_e jndden voerseeden goede alle en_ en yegelijcke / als voer die . + vier + . mudde rogg_ jaerlix en_ erflix pachts / beheltelijc alremalx rechte nae dat onse voerseede eygenshof te rechte steet / met messe ressche en_ gr˚enen rijse Daer t˚e gedaen ban_e en_ alle and_ sole_niteyt van rechte alse in al z˚lken goeden van rechte sculdich es te geschiene ende die ghewoente jn heeft ghegoet sijn en_ gheerft jn also voele dat den selve_ capellane_ en_ priest_en van + den selvegoede volcomelic weer genouch geschiet Beheltelijc altoes der erfwin_ingen daer af / den ghene_ die + se van recht t˚ebehorende es en_ wesen sal ten t˚ecome_den tijde / Jn wilgher dinghen getuygenis~se der waerheit So hebben weyr den segel ons eygenshoefs voers_ aenghehangen desen tiegenwoerdige_ l_ren / Jnt jaer nae der ? ons h_en duysintich . + drie + hondertich + / sesse en_ negentich / des (onleesbaar) daechs jn den maende geheite_ junius / Die ? ? ? der goede daer bove_ mentie af es volght hier nae ? ? ? / Dat es te wete + . drie + . boenre ackerlants / gelege_ ? ? gheite_ myddelpaer / op die een zyde aen lant der Capitele ? te luydic en_ geerde van + der hercke_ op die and_ sijde en_ (onleesbaar) lant der Abdissen en_ des co_vents van padeuwe op die syde (onleesbaar) w_t / Jte_ . + neghen + . roede_ ackerlants geleg_ jn + d_ selve_ ? voers_ niet verre vande_ voerseede_ . + drie boenre / aen erve geerds van + d_ hercke_ voerg_ ter eenre sijden / en_ lant der armer van oerle te andere sijden / Gegheven als boven