Corpus Van Reenen-Mulder (CRM14): Oorkonde Q156a39801

Wij Richeter ende Seven gesvoren man_e Eygensgenote eens Edels heren ende Mechtichs prenchen des heren des Greven van loen Doen gr˚et jn onsen heere met kennisse der waerheit der dinghen hier nae bescreven ende doen te weten en yegelijcken dat daer om voer ons jn gerichte onder den lijnden des kerchoefs van loen jn een eersaem Stat en_ een gewoenlike aldaer men van + den Eygensschen goeden des voersc_ heren des Greven van loen te tracteren pleeght / jn sijns selves propere_ persone gestaen es comen een eersaem ende besceiden man Obrecht geheiten van hercke die wilghe voerg_ Obrecht voer ons presenteerde ende voertbracht / een testamente welc testamente / Peter wilnee was geheiten huyshere van haren / jn sinen lesten gemaect / ende gheordineert hedde / Jn + den wilghen testamente / die selve peter wilnee was gelaten ende besat heeft den voerg_ Obrechte een m˚dde rogg_ erflich / jaerlix ende erflix pachts maten der Stat van Tongren / aen ende op enen hof geheiten der spelthof gelegen te haren bij die kercke ter eenre ziden / en_ aen ene_ hof geheiten der p˚thof ter andere ziden / welc mudde rogg_ erfliken / die voerg_ Obrecht / tonderpande gesat heeft / ende tot enen onderpande verbonden den armen baghinen van Sunte _offels te luycke / voer al~z˚lc lant als die voerg_ Obrechte / van + den arme_ voersc_ haudende / winnende ende hantplichtende es jn + den gevilte van hercke ende daer omtrent gelegen Ende want die voerseede spelthof eyge_goet es r˚erende ende hovende voer onsen voersc_ eygensschen hof / So heeft die voerg_ Obrecht dat voerscr_ testamente ende die aelmoesen home daer in gelaten ende besat gelijc voersc_ es volcomelijc ende wael gepr˚eft met goeder ? waerheit nae ons hoefs rechte egheen p˚nte van ? daer in achter~gelaten dat daer schuldich t˚e was te geschiende / ? ? ? jn + den voerseeden M˚dde rogghen erfliken beheltelijc alremalx rechte nae dat onse voers_ eygenssche hof te recht steet met messe ressche ende groenen rijze daer t˚e gedaen banne ende alle ander sole_niteyt van rechte als jn al~zulken saken schuldich es te geschiene ende die gewoente ons hoefs jnheeft / gegoet es ende gheerft jn alsoe veele dat overmids meenisse ons voersc_ Richters vo_nisse ende gevolgenisse ons_ man_e eygensgenote voersc_ eendrechtichlijc daer gewijst waert en_ gevon_ist dat den voerg_ obrecht van + de_ Mudde rogg_ erflijc voersc_ volcomelijc weer genouch geschiet Beheltelijc altoes des dat dit selve voersede m˚dde rogg_ erflic emmermeer ende ewelijc / onderpant sijn ende bliven sal / den arme_ baghijne_ van Su_te _offels voerseet ende hon_en naecomelingen voer dat voersc_ lant welc die voerg_ obrecht van hon_e haudende ende winnende es jn + der voeghen ende manieren voer bescreve_ Die wilghe voersc_ saken alle ende en yeghelijc onse voersc_ Richter jn h˚eden ende jn bedechtigen ontheltenisse onser voersc_ Manne Eygensgenote lachte ende beval / Jn wilger dinghen getuygenisse der waerheit / So hebben wyr den segel ons vores_ eygenshoefs te beden ende verzuycke der partijen voersc_ desen intiegewordigen l_ren aengehangen / Gegheven jnt jaer nae der geboerten ons heren Jhesu _i / als mer screef . + duysintich + . drie + hondertich + / acht + ende + negentich / dez vijfteende daechs jn januario / geheiten jn duytschen loemaent .