Corpus Van Reenen-Mulder (CRM14): Oorkonde Q162p39601

IN den name Goids . Amen . Allen den ghenen die dit tyegenwordich openboer jnst_ment sien of horen leesen sij kundich / dat int joer der geborte_ ons h_en ihesu cristi dusent / + drie + hondert negentich en_ Sesse jn + der vijrder jndictien des derdes dages in + der Moent van Meerte noe der vespere_ in onser vrouwen kercken van Tongren gesonge_ of doer o_me~trent / jn + dat Sevende joer ons heylichs vaders in goede en_ ons h_en / h_en Bonifacij met der g_cie_ va_ gode godlic versien heylich pous van Rome_ en_ der negende jn tyegenwordicheyt mijns des no_rijs gemeyne_ en_ der getugen hijr onder bescr_ doer by gebeden en_ gerupen verscheyn sich doer o_me lijflic in p_peren p_sone / eyn vorsinich vrouwe_~name ende bescheyden lijsb_ Rosteels van vechtmale wonende te Tongren vyt den Creysdome van lucke gesont m_ der g_tien goids van gedechte ende hore sinne wale mechtich alst scheyn al was sij sieck en_ ongesont hore bedinckende dat der mensche niet zekere en is dan der doet en_ niet onsekere dan der vren van + der doet / ende want die doet en_ dat leven in + der hant gods sijn en_ nyman heme ontflien mach / hir o_me soe begerde sij den lesten dach hors levens zelichlike voer te comene o_me~dat hore die doet niet hoestelike en ov_liepe / versocde maechde ende ordineerde hoer testament ende horen lesten wille van allen de_ goede erve en_ gereyder haven die hoer god beroden en_ gegeven hadde jn der maniren hir noemoels volgende / jn + den irsten soe ordinerde die vors_ lijsb_ testatersse ende geboet dat mer voer allen dingen en_ te vorst hore scout en_ hore onrechte gude die mer wettelic gepr˚ven kunde met den Coste van hore_ begenckenisse te doene van horen gereytsten gude betale en_ verantwerde Doer noe leet sij onser vrouwen wercke van Tongren . Eyn . vaet Roggen / Der Mandaten die mer den Armen in die vasten pliecht te gevene Eyn vaet Roggen / Den Cappellonen van Tongren voer Moendages Messen te leesen Eyn vaet Roggen De_ geluchte van Sint_ Cloes kercken te Tongren o_me hore Sepulture en_ graf doer te hebbene Eyn vaet Roggen Sinte Achten Altore in + der selver kercke_ Eyn vaet Roggen / Der armussen van + der doervart Eyn . vaet Roggen / Den geluchte van Sinte johans kercken te Tongren Eyn vaet . Roggen Sinte jocobs Gasthuse_ te Tongren Eyn vaet . Roggen . Den arme_ van sinte Anthonise buten der Stad~mure van Tongren Eyn vaet Roggen / Den cleynen onser vrouwen gasthuse van Tongren Eyn vaet Roggen / Ende den gasthuse van + de_ Armen baginen te Tongren Eyn vaet Roggen en spisen hun te coken op den dach dat hoer joergetide vallen sal jtem den geluchte der kercken van vechtmale Eyn vaet Roggen Alsoe dat der p_soen jn + der vors_ kercken hebben sal . vier . pe_ni_ge ceys erfelic te kersmesse van + den vors_ vate Roggen te betalene voer hoer en_ horen erven joergetiden doer joerlix te doene / Willige twelf vaet Roggen vors_ die selve lijsb_ testatersse bewijst erfelic en_ o_mermeer te hebbene allen jore tsinte andries messe des Apostels te~hant noe doet Eynre Marnetten / op die halschie des huys doer sij in wone_de was in + den Marchde van Tongren gelegen Beheltelic desse dat johan van wouteringe_ hoer neve hijr onder bescreve_ soens en_ te~hant gheve_ en_ betalen sal den geluchte van sinter cloese kercken vors_ als van hore Sepulture_ wegen / dat vaet Rogge_ vorseyt alsoe lange als Marnette leven sal . en_ niet langer / Noe williger dage sijt dan hebben soelen in maniren vors_ besat en_ geloten jtem die vorsede testatersse liete en_ gaf johanne vincken horen neve die overbate en_ dat overdeil van der halschie_ des huys vors_ met allen der toe~behorden / boven die twelf . vaet Roggen vo_e becleert erfelic te hebbene en_ te besittene noe doet Marnetten vorseyt / noe inhoude_ der brive doer op gemaect . Gevende en_ verlene_de den vors_ johanne vincken hore_ neve sijne_ g_ven en_ noe~comers alinge macht die vorsede . twelf . vaet Roggen erfelic te loesen en_ te quiten soe wannee dat hijs of sij van stade_ wesen soelen ende die elswoe bewisen mach op guden weseliken onderpant / o_me dat vors_ huys loes te makene sonder ymans kalingeringe / jte_ sij liete den armen Gasthuse van + den bagine_ vors_ Eynen copere_ pot den Meysten van Sesse quarten o_me den armen shuys te coken en_ spise doer in te bereyden / sonder denen te vercopen of te veranderen / jtem sij liete v_en jueten jans Muilkens wijve was hore nichten eyne tyenen diepe compscotele met eynen waffelyseren te hebbene jtem beelen hore nichten jans sp_ven wijve hoer betste bedde / eyn ander n˚we bedde met de_ hoytpoilwe_ in + der Cameren liggende / den spanbedden / en_ . twee . gude n˚we sargien dor toe gehorende Eyne selveren scoele van + de_ betsten / en_ eyne_ halve_ baeck te hebbene / jtem Marien laurees van lude eyn bedde van twee ellen breyt twe par slopenlaken en_ eyne sargie dor toe behore_de te gevene / jte_ yvete_ / Marien suster vors_ eyn bedde van twee ellen breyt en_ eyne sargie te hebbene / jtem lijnken Scovarts hore nichten met hore wonende Eyn bedde van Nogen verdelen breyt dor sij op te slopen plach eyne_ hoitpoilwe / Eyn ander bedde van twee . ellen sonder hoitpoilwe / twee / sargie_ Sesse par slopenlaken van + den betsten / Eyne Cortyne / eyne bedstad / Eyn roet geg_ven s_rven / twee ketele die Meyste sonder eynen / twee coperen putte van + den betsten / eyne groete coperen panne / twee ysere_ pannen / eyne appel~panne Eyn lavoer / eyn baertbecken / eyne sydele van vijf sitten met den tofelken doer ane hangende / Eyn cofferen m_ twee dueken Eyn . cleyn selveren scoelken / eyne andere cleyne sijdele / eynen disch twee Rondele / Twee tynen quartputte / twee dagelix oircussen / Sesse cussen Roet en_ gheel / Steynen Cr˚ken / en_ hulten scoetelen / jnst_menten den vier ambachte toe~behorende / bencke te kyesen / twee dryvoet~stule / eyn vieryseren / eynen heel / eyn Cleyne wyt ketelken en_ die oude tyene_ scotelen te hebbene / jtem die vorsede testatersse liete en_ verleende Gertrude_ van + der Moelen hore nichten / der vors_ lijnkens M˚der / Met hore wone_de / eyn bedde van twee ellen daer sij op te slopen plach / twee par slopenlaken van + de_ middeldroemen / Eyn Compscrijnken met yseren banden en_ alsulke gereyde have als sij daer in vinden sal te hebbene / jtem wout_e van he_nisdale Schepen van Tongren / Eyne_ Emmeren pater~noster te gevene / jtem Margarieten henrichs docht_ van Meldert eyne selv_en scole van + den betste_ te hebbene / Jtem . Vytken der schelen wonende te Tryecht horen betste_ eselen rock eyne panne die hoer was eyne ?e en_ eyn paer slopenlaken te gevene / jtem sij liete . Tielken jocob Fasarts sone horen peteren Eyn bedde van twee ellen breyt en_ twee par slopenl?ken te gevene / jtem yoepken wilken en_ Cloese des vors_ jocobs sonen drie par slopenlaken gelijc te deylen . jtem Tulen buntinchs jocobs wijve vors_ eyne_ eselen rock / jte_ lise_ peters eynen ouden rock jtem Marnetten vors_ hore dobbele huyke te hebbene / Vort~meer soe liet + se ghertrude_ ende lijnken hore_ nichten vors_ allen die and_e cleyd_e horen lijve toebehorende gelijc te deylen jtem sij liete / Eelken Ards dochter van Meldert / hore paten eyne_ tyne_ quart~pot te gevene / jtem Stijnken hore paten jans dochter van stroeten eyne_ tyene_ quart~pot te hebbene / jte_ Cloes docht_ van + der beeck hore paten eyne_ tyenen Quart~pot / jtem hen_e_ dries sone van vechtmale hore_ peteren eyne_ simpelen Mottuen eyns te gevene / jtem katherine_ johans wijve van wouteringe_ van wydoy hors nevens eyne selvere_ scole van + den betsten te hebbene / jtem Margarieten johans docht_ van wouteringen vors_ eyn bedde van derder halver ellen / eyne sargie dor toe behore_de / Eyn Oircussen van + de_ beste_ / Eyn par tyene_ sluytscotelen / jtem wilken horen peteren katherine_ sone van wouteringen Eyn bedde n˚we van noge_ verdelen met de_ hoytpoilwe / eyne sargie / en_ twee par slopenlaken van + den betsten te hebbene / jtem sij liete katherine_ jans dochter van wouteringen / wone_de te valle / Eyn bedde van Nogen verdelen met den hoitpoilwe in + der Cameren liggende den Meysten ketel / eyn breyt Coperen becken / eyne tyene_ Quart~flesse / en_ eyn oirwengelen / van + den betsten te hebbene / Jtem lijsbeden johans dochter van wouteringen vors_ eyne dossine Tyenen scotelen van + den betsten / Eyn cleyn watervaet eyne dossine dobbeliren te hebbene / jtem ghertrude_ jans kerchoefs docht_ eyne_ vlaken tyene_ platteel / jte_ heylive_ des smeets docht_ van vechtmale eyne selvere_ scole van + den betsten / ende Sesse ghescilde Cussen met ploemen gevolt jtem lijsbede_ henrix nouts wijve des beckers eyne vo_e~dwele lanch m_ droemen / jtem johanne van Meldert den Clusenere van heere / Teen ellen vlessens lakens en_ eyne_ vlessen hoytdoick jte_ sij liete johanne vincken vors_ eyne lange sydele en_ eyne andere sydele op de_ kelre en_ eyne Core_~kiste te hebbene / Allen hore andere gude soe in~come gelde schoude en_ in huysrode en_ in anderen waren soe woer die gelege_ sijn of in wat steden mer die bevinde_ kan hore toe~behore_de bove_ die settingen vors_ die liete die vorsede testatersse gaf en_ verleende johanne van wouteringen van wydoy horen neve vors_ sijne_ vrye_ wille dor mede te due_de / Biddende den selven johanne dat hi horen lesten wille volvuren wille o_me der Minnen wille en_ trouwen die sij te home wert hadde en_ als sij home gelueft noe dat hi weyt dat hore zelen orber wesen sal / Ende deese tyegenwordige ordina_cie die vorsede testatersse woude dat were en_ bleve volcomelic guet en_ dochte Behielde dan macht der briven of ygelix anders lesten willen soe in + den geystelicken en_ in + den warelicken gerichten soe wors te due_de wesen sal Beheltelic hore vrye macht in desen vors_ testame_te te menren te meeren te corrigeren te veranderen af en_ te toe te done alsoe decke als ? genuechde en_ guet dochte Dor toe soe woude die selve testatersse en_ geboet jntelic soe woer enich van horen lo?eren vors_ sich sette tyegen (onleesbaar) der lotingen home besat en_ geloten niet c_tent en were noch dese ordina_cie niet houd? (onleesbaar) der gheen of di? eren gep_vert worden van + der lotingen home of h˚n besat en_ geloten / Die~willige lotinge sij wo? eme ende ane~viele johanne van wouteringen horen neve vors_ sijne_ vryen wille doer mede te doene / Renu_cierde doer toe (onleesbaar) dese_ lesten wille alle and_e testamenten en_ lesten willen in enigen tijde vo_e~leden ov_mits hore gemaect en_ geordinert Van willige_ (onleesbaar) vors_ die selve lijsb_ testatersse bege_de en_ hiesch van mich den no_risse hir onder bescr_ eyn openboer jnst_ment of meer jnstrume_ten te sc_vene Dese dinge_ te tongren op der achtersten Cameren hors huys ten tijde en_ vren vors_ / Hijr by soe woren tot mich de_ no_risse eirsame lude en_ besceyden Art van heerdren bont~mekere en_ ghilis van nederheym Cremer van Tongren getugen gue? van gelouve hir toe gebeden en_ gerupen . ENde jch johan hamelart van Tongren vyt de_ Creysdome van lucke van + der macht des heylichs keyserrijcs en_ in + den hove van lucke gemeyn no_rijs want ich hir by en_ ane die zaken vors_ geweest hebbe en_ die alsoe sach en_ horde ghescieden met den getugen boven gescr_ Soe hebbe ich dit jnstr˚ment en_ doer toe eyn ander des gelijcs / met mijnre hant gescr_ in eynre gemeynre formen gesat en_ met mijne_ gewoenlike_ teykene geteykent hir toe gebede_ ende versoecht .