Corpus Van Reenen-Mulder (CRM14): Oorkonde Q162p39901

Condich sij alle_ Luden dat Voere ons Dirijke Johans zoene van wydoy des lakemekers als Meyere Johanne scoendorps Libregte scoe_dorps Arnde va_ Rixinghe_ den wijnma_ en_ Johanne Marnette_ als geswore_ loete lambrecht scondorps den vorsc_ dirijcke gheleent ten saken hijr no gescreven Come_ sijn en p_pere_ persoene_ forquet der lombarder ter einre partije_ en_ willem Egghe ter andere partijen der selve wille_ Egghe kande en_ lijde vo_e ons als vo_e hof So wije he te voirdagen vit sijne_ ho˚ue toebehoerende den h˚se do he in wonachtich is gelege_ in der heymelinge~stroete_ ein deil hoefs vitgesplete_ hedde en_ gegeve_ Joha_ne den Cupere wilen wonende in + der heymelinge~stroete_ come_de achter des selve_ Johans huis om vier vaet Rogghe_ Erflich moeten pachs en_ payments der stat van Tongren joirlich en Sint Andries daghe des heilge_ apostels te betalene ov_myts Joha_ne C˚pere sijne_ gherve_ en_ nacomelinghe_ Willighe vier vaet rogghe_ erflich der selve willem Egghe kande en_ lijde dat he vercogt hedde den vorsc_ forquet en_ dat hoeme der selve forquet dat gelt he_ dair af hoerende wale en_ wettelich betaelt hedde En_ dair o_me so begheerde he den vorsc_ forquet in den vorsc_ vier vaten rogghe_ erflich ghichte en_ goedijnghe te gheschien Also dat ich die Meye_e vorsc_ dy vorsc_ loet daer op maende En_ wij die loet bove_genaempt ons dair op beroede_ en_ van onsen vorsc_ Meye_e ghemae_t wijsden want der vorsc_ wille_ des wale mechtich weere of he woilde dat he die vorsc_ vier vaet rogghe_ erflich en haint des vorsc_ Meijers te vrbere en_ en name des vorsc_ forquets dr˚ge dwillich der selve willem dede no onsen wisenisse verteich dair toe dair op sonder eynich recht dor ane te beho˚den Ende dat also gheschiet der vorsc_ forq_t sych versoechte ghichte en_ goedinghe te ghescien Also dat ich die Meije_e vorsc_ met menisse vo_nisse en_ no wisenisse der vorsc_ loet den vorsc_ forquet ghichte en_ goedinghe dede in + den vorsc_ vier vate_ rogghen als vo_e sijn p_per Er˚e / Willighe saken also gheschiet Jch die Meijere vorsc_ en hoide der vorsc_ loet lachte en_ honne_ ghedenckenisse bevael Ende wy die loet bove_gescreve_ kenne_ en_ lijden dat die vorsc_ saken alsoe vo_e ons gheschiet sijn ghelijck als vorsc_ steyt Cleere_ dair toe en_ ho˚den als hof dat der vorsc_ dirijck onse Meijere vo_e ons kande en_ lijde dat he alsolighe_ Cees als dat huys wille_ Egghe_ met sijnre toebehoerte_ tot heden dijs daechs schuldich is dat he alsolighe_ Cees schuldich is te verrichten van sijne_ vijf vaten Rogghe_ Erflich dy he op dat vorsc_ huys wille_ Egghe_ heeft Also dat dat / deil hoefs dat wilen Jan C˚per tieghe_ den vorsc_ wille_me Egghe_ na_e met egheine_ Ceese belasticht en is noch eghein opcomenisse en ghilt IN t˚ghenisse willigher denghe_ en_ wa_t wy Meije_e en_ loet onse recht ons vanden vorsc_ sake_ hoerende wale gehat hebbe_ en_ want ich dirijck die Meije_e vorsc_ egheine_ p_peren sigel en hebbe So hebbe ich ghebeden bidde en_ versoeke den vorsc_ lambregte scoe_dorps dy mich sijne loete voirg_ ten vorsc_ saken gheleent heeft dat he vo_e mich sijne_ sigel a_e desen brieve wille hanghe_ dat Jch Lambregt gedo_e hebbe ter beden des vorsc_ Dirijxs Ende wij die loet bove_gescreve_ voere ons en_ Johanne Marnetten onsen myeloet dy egheine_ p_pere_ sigel en heeft hebben onse p_pere sigele aen desen brieve gehanghe_ Jnt Joer ons here_ als + men scrijft D˚sent Dri + hondert Noegentich en_ noeghen vijfteen daghe in November