Corpus Van Reenen-Mulder (CRM14): Oorkonde Q165p38101

Allen den Ghenen dij desen letteren zoelen sien ende hoeren lesen si Cont dat voer ons Johan_e poysen van Goetschoven Meyer henric Oden henric sulman pet_ finegers Arnt Musenere ende Johan heyleven van horpale ghesworen late Erender heren Dekens en_ . der Capitulen van sinte Mertens kerken van ludic van hoeren ghesworenen laethove den si hebben in + den dorpe van horpale . Comen siin in hoere_ p_pren p_sonen voer ons als voer hoef Yde wittich wijf cloes . willeer was C˚uers van horpale . op die een side . Ende cloes peter ende Geertr˚t wittic kindere der voers_ yden op die ander side . Die voers_ yde met hoeren vrien wille met ene_ momboer met recht hoer verleent . op~.dr˚ch in ons voers_ Meyers hant hoer tocht die si haudende en_ . hebbende was in en_ . ane wijftene Grote Rouden ackers lans . ghelege_ binnen den gherichte van heere . aen + den bosch op die side te heere w_t . tusschen den wech die van heere Coempt en_ leyt te l˚dich w_t op die een side en_ des Dekens en_ der Capitulen lant van sinte dyonijs van ludich op die ander side . en_ op die andere twe siden tusschen den voers_ bosch ende die s˚we ende doer op verteech en_ . quijt + scalt hoer niet meer rechs nocht vermeets in + den voers_ . xv . Rouden lans te behaudene in Egheenre wijs . te name en_ orbere Cloes . peters en_ Geertruden voers_ hoere kindere / Overmijts willichs vertiens en_ . quijtschelde wijr hebben die voers_ Cloes pet_e ende Geertr˚den in die voers_ . xv . Rouden lans inghegout en_ . touwe~ghegout ende houn ghedoen waert ban van den Richt_ derre heren van horpale voers_ en_ . wer h˚n voer deden alle hoefs recht ghelich mer schuldich . is . te doende behaudelich alremalchs recht no der ghewoente_ ons voers_ hoefs en_ ghelich ons hoef te rechte steet / also dat doer weer late voers_ . eendrechtelich wijsden met manisse ons voers_ Meyers dat den . voers_ close petere en_ . Geertruden van + den voers_ . xv . roude_ lans volcomentlich were ghenoech . ghedoen . Ende dat lede en_ bevael . onse voers_ meyer in + der hoyden en_ ontheltenisse onser late voers_ ende des becande_ die voers_ cloes pet_ en_ gertr˚t . hoer Recht en_ . ons dat wale betaelden @ Welleghe dincghen alsus ghesciet die voers_ Cloes pet_ en_ Geertrut ter selver v_ren en_ . steden met hoeren vrien eyghene_ wille kinden en_ . beliden ghesamerder hant en_ . elch sunderlincghen dat si die voers_ . xv . Rouden lans vercocht hedden Enen hoghen moghenden man here Gherede here van heere Ridd_e Ende der voers_ here van heere kinde en_ lyde dat he die voers_ . xv . Roude_ lans ghecoech hedde om_e een seker sum_e gels . die den voers_ close pet_e en_ Gertruden wale ghenouchde en_ . kande_ en_ oech liden dat h˚n die voers_ sum_e gels wale ende . . wettelich betaelt ware van + den voers_ here van heere . ende wouden den voers_ here van heere in . die voers_ . xv . Rouden lans gouden en_ alle hoefs recht doen doen so~dat die voers_ here van heere baet onse_ voers_ Meyer dat hi ons laten maende oft die voers_ vercop_e cloes pet_ ende Geertrut die . . voers_ . xv . Rouden lans so hedden te hove en_ . dere so mechtich were dat si sich der + mede mochten behelpen h˚n derre ontgouden en_ enen Andere_ doer in doen goude_ en_ Erven . Also dat wijr late wijsden eendrechtelich ov_mijts manisse ons voers_ Meyers . dat die voers_ Cloes peter en_ Geertr˚t die voers_ . xv . Rouden lans so hedden ende derre so mechtich were dat si dich doer met wale mochten behelpen en_ h˚n der ontgouden en_ den voers_ here van heere doer in doen goude_ en_ . Erven Ende d˚ die voers_ Cloes pet_ en_ . Geertrut vercop_e met ene_ leyen mo_boer den voers_ pet_e ende Gertr˚den . met vonnisse verleent die voers_ xv . Rouden lans op~dr˚ghen in ons voers_ Meyers hant te name en_ . orbere des voers_ h_en van heere . ende doer op vertheghen en_ quijt~scolden clachloeys en_ . altemole h˚n niet rechs erfdoms noch vermets doer in te behaudene in eghenre wijs Ende den voers_ here van heere d˚ in die voers_ . xv . Rouden lans in~go˚den ende touwe~gouden . en_ . hoeme wa_t ghedoen ban en_ . vrede . met den Richt_ des ov_here der here_ van horpale voers_ no + der ghewoente_ ons voers_ . hoefs en_ . wijr d˚ den voers_ here van heere voert deden alle hoefs recht also almer sculdich is te + doende behaudelich alremalchs recht . ghelich dat ons hoef te rechte steet Also dat wijr doer ter selv_ steden en_ v_ren wijsden en_ vonnisden met Manisse ons voers_ Meyers . dat den voers_ here van heere van + den voers_ goude van + de_ . xv . rouden volcomentlich were ghenouch gheschiet . Ende alle dese voers_ pointe_ ende saken so lede en_ . bevael . onse voers_ Meyer in + der hoyden ende Eweliker ontheltenisse onser late voers_ . ende des becande der voers_ here van heere siin recht en_ . orkonde en_ ons dat wale betaelde . Ende want alle dese voers_ saken en_ . poynten voer ons gheschiet siin ghelijch voers_ . is . Ende wijr eghenen seghel ons voers_ hoefs en hebben so hebben wijr ghebeden ende bidde enen heersamen en_ . bescheydene_ man h_ . ghilise p_soen van horpale voers_ dat he sinen seghel voer ons desen lett_en wille aenhanghen in ghetughenisse der waerheyt al + der saken voers_ Ende jch Gylis p_soen van horpale voers_ prister te beden en_ te versuke . des . Meyers en_ . laten voers_ . so hebbe jch Minen seghel . desen letteren aenghehanghen in ghetughenisse der waerheit . jn + den jore ons h_en als + mer scrijft d˚sent drie + hondert . + achtendich en_ . + een . achte en_ . + twintich daghe in + der Maent van Aprile . die sup_scripcio met enen momboer met rechte hoere verleent die approberen wijr boven die vijfde linie . op w_e .