Corpus Van Reenen-Mulder (CRM14): Oorkonde Q167p38601

Alle die ghene die desen brief soelen sien of hoeren lesen . Johan drake van Slusen Scoutet . Lodewich van pyederinghen . Arnd van + de_ hoefacker . Johan va_ Swaluenberch . Servoes van lijnde . Stas van Staden . Stas Gentes . en_ Johan Momboer . Scepene in + den dorpe van Coninxhem van des Rijcs proest weghen der Cap_len van sente Servoes van Trijcht . gr˚ete in onsen h_e gode myt kennisse der waerheyt . Cont sij allen luden dat voer ons als voer hof en_ gherichte des Twe en_ twintichs daechs vam loemaent voer datu_ des briefs . quamen en_ verschene_ Joncher wouter van Betuwe Man van wapen op deen zide . en_ Johan van Tyenen poerter van Tongere_ op dand_ zide . der vors_ . Joncher wouter Cande en_ lieden dat hy op die Twelf gulde_ drie aude schilde voer vier gulde_ gerekent erflix Ceys en_ Rente_ die hem Johan donckel brieder sculdich is jaerlix te betalen half op sente Stevens dach des mertelers . en_ half op sente Johans dach Baptisten van ene_ paenhuse en_ va_ ene_ hove daer aen myt sine_ toebehoerde ghelde_de der vors_ Cap_len drie pen_inghe Ceys tot Coninxhem en_ is gheleg_ ter lijnden tussche_ Joncher Goeswijns paenhuys va_ Betuwe en_ die ghemeyne strate die leyt te Cokarts Tommen wert / vercocht hedde zesse gulden g˚et van goude ghewichte en_ van weerde ghelijc als men binne_ der Stad van Tongh_en sculdich is van Ceys te betalen . en_ niet beter noch ergher in + der vors_ Stad van Tongh_en te lev_en . Jaerlix te Twe terminen vors_ . myt alsulker vorw_den dat die ander zesse gulden . en_ alle dat Recht dat Joncher wouter voers_ daer aen behelt sal onderpant siin deser zesse gulde_ vors_ . die~welke zesse gulden mytter vorw_den vors_ . Joncher wouter opdroech in Mertens hant van Coninxhem doe ter tijt onder~Scoutet en_ stadheld_e mijns Johans draken vors_ en_ daer verteech verhalmede en_ quijt + schaut / Ende Johan van Tyene_ vors_ daer in myt menisse en_ von_isse na ons_ banc Recht gheg˚edt was myt alle den Rechte daer toe hoerende / Ende Joffrouwe katherine wittich wijf Joncher wouters oec daer op verteech na ghewoente ons_ banc vors_ Daer na op den dach datum des briefs quaem die vors_ Johan van Tyenen en_ becande h_en Gerede h_e tot heer Ridder oec nare gherve siin naerscap aen die zesse gulden vors_ / ende die opdroech myt alle den Rechte dat hy die ghecreghen hadde en_ hem toehoerde in mijne Johans draken hant vorg_ . in name en_ orber des vorg_ h_en van heer / en_ daer op verteech / die~welke zesse gulden ghelijc sij in mijn hant ghedraghen siin . Jch die den vorg_ h_e van heer verleenden en_ daer in g˚eden myt banne en_ myt vrede . ende myt alle den Rechte sollempniteyte_ en_ ghewoenten daer toe hoerende . en_ die vors_ Scepen_ wijsde_ gheen poente van Recht acht_ghelaten / Daer na te richs so was die vorg_ h_e van heer also beraden . dat hy die zesse gulden vors_ myt alle den Recht dat sij hem toe~hoeren . zatte en_ liet in formen van Testamente en_ in pure aelmosen en_ omme gode . meester Gerede Canonic van Tongren sine_ bastard~sone erflijc te hebben en_ te besitten . behaudelijc altoes dat siin gherechte erven die soelen moghen quijten myt hondert en_ zesse en_ Twintich cleyne gulden als vors_ siin / eens te gheven / Ende alle dese vors_ zaken en_ poenten en_ een yghelijc van hoen . omme beden wille en_ vers˚eke des vorg_ heren van heer lede en_ beval in + der h˚yden en_ ontheltenisse der Scepen_ vors_ . Ende wij Scepen_ vors_ kenne_ en_ lien dat wij daer by en_ aen gheweest hebben daer alle die vors_ zaken also gheschieden en_ ghedaen worden als vors_ is . en_ die altemael en_ een yghelijc van hoen overmids Johan draken Scoutet vors_ in onser huyden ghelacht en_ bevolen siin en_ ons van onsen Recht daer van ghenoech ghedoen is . . Jn Orkonde der waerheit soe hebbe ich Johan drake mynen p_pre zeghel aen desen brief voer aen~ghehanghen . Ende want wij Lodewijch van pyederinghe_ . Johan van Swaluenberch . en_ Joha_ Mo_boer selve ghene p_pre zeghele en hebben so hebbe wij ghebede_ en_ bidden onse medeghesellen dat sij hoer zeghele voer hoen en_ voer ons aen desen brief willen hanghen . Ende wij Arnd van de_ hoefacker / Servoes van lijnde / Stas van Staden en_ Stas Gentes Scepen_ vors_ hebben onse p_pre zeghel voer ons en_ voer onse mede~ghesellen vors_ ter beden van hoen aen desen brief ghehanghen in ghetuychnisse alle der zaken vors_ / Ghegheven int Jare ons h_en dusend drie + hondert Tachtentich en_ zesse Seventien daghe in Meye / (onleesbaar) in onser huyden (onleesbaar)