Corpus Van Reenen-Mulder (CRM14): Oorkonde Q177p39401

Allen den ghenen dy desen Jegenwordighen brief soelen sien of hoeren lesen sij kondich en_ openboer dat voere mich henrike van Millen als Meiere mijns selfs en_ als Meiere hermans van Boilre en_ heiliven hermans sostere Johan vleyshouwere henrike Cleinwoutere henrike domine en_ Reynere van Steyvorde als loten als voere hof ende gerichte come_ sijn en p_pere_ personen ein heersam gheistelich man her lodewijck va_ Bo_ne sceffenere des huis van + den Byesen van geheite en_ bevele here_ Reyners van h˚zen lantco_mendoirs der balien van + den Byesen ter einre partien ende Stas van Gherstekoven portere der stat van Tongre_ ter andere partien . Dy~willighe Stas meynde en_ begherde den vors_ h_en lodewike te orbere en_ en name des huis van + den Byesen ghichte ende guedinghe te ghescien als en dry en_ twintich vaten Rogghe_ Erflich moete_ en_ payments der vors_ stat die dy selve stas hadde op eine moele_ gelege_ op + der Jekeren egheen side Sinte Johans kerken do Ghilis van Blole en plach te wone_ neve_ die moelen wilen Joha_ Sops Also dat ich die meyere vors_ die vors_ loit dair op maende do wij die loyt vors_ ons ten eirsten dair op berode_ no + den menisse ons vors_ meyers wijsden want her Arnoud stas wettich soen do en tiegenwordich weere die ein recht gher˚e dair af sijn so˚de dat die vors_ Stas dy vors_ So_me van corne opdraghe_ soilde in haint ons meyers vors_ te vrbere sijns soens willich stas also beroden was dat hy dat dede verteich dair toe dair op sonder einich recht dor ane te beho˚den Alsoe dat doen sinen sone vors_ volcomelike g˚edinghe gesciede no willigher guedinghe_ hoeme also gesciet die vors_ her Arnoud also beroden was dat hy die vors_ so_me va_ corne opdr˚ghe met rechte en_ vo_nisse en haint ons meyers vors_ verteich dair toe dair op ende dede allen dat hy van rechte schuldich was te d˚ne sonder eynich recht dor ane te beho˚de_ No willighe_ dinge_ ghesciet als vorsc_ steit die vorsc_ her lodewijck hoeme versoecht ghichte ende g˚edinghe te ghescien Den willighe_ h_en lodewike Jch die Meiere vorsc_ met menisse en_ vonnisse en_ no wisenisse der vorsc_ loyt ghichte en_ guedinghe dede eghein point van rechte achter~ghelote_ Behaudelijck der tocht Stas vors_ en_ Joffrov Juete_ sijns wettichs wijfs / en_ anders eghein recht dor ane te behouden Op willighe saken allen vors_ die vors_ her lodewijck sine recht bekande en_ ons dat wale ghaf en_ betaelde JN kennisse willigher dinghe_ en_ om dair af g˚et en_ vast ghedenckenisse te hebbe_ En_ wij die Meyere en_ loyt vors_ do bij ende ane gheweest hebben do die vors_ saken ghesciet sijn also dy vors_ stoen en_ wij onse recht ons dair af horende wale en_ wetlich gehat hebben So hebben wij die Meyere en_ loyt vors_ onse p_pere Sighele desen brieve aengehange_ JN meere sekerheit en_ vestinghe_ der dinghen vors_ Jnt Joer ons heren als + men scrijft D˚sent dri + hondert Noegentich + en_ + viere Sesteen daghe in + der moent des hoymaents