Corpus Van Reenen-Mulder (CRM14): Oorkonde Q520r37201

Wir walrauen van valkenb_gh . Here van Borne_ / ende van Zyttert . . . Doen Condt allen luden die desen brief s˚elen sien of hoeren lesen dat v˚r ons / ende onse ma_ne / dat is te weten / her_ johan van were Ridder / ende heinrich van den Berghe / Comen is Arnolt heinrics son symons was van zytt_t ons man / mit wille ende Consent joefruwe agathen van den Broich Cloester~joefr˚we tot sinte Gerlaec / Gelijs van den Wier / Ende arnoit van hulsbergh / Ende bekende sculdich te sijn den Ermen luden in gheen broich / N˚eghen malder Rogghen / der maten van zitt_t goets pachtlics Rogghe_ / alle jaer erflic te betalen op sinte Andries dach of vmbeuanghe_ op sinte Peters dach daer na neest Comende / ende te leueren tot zyttert ende nirghen anders / op eyne_ s˚lre de + men Arnoide v˚rscreue_ / ende sinen erfname_ te vorens ter goeder tijt sal wisen ende laten weten / wilken pacht v˚rscr_ / die joefr˚we agatha keren sal ende mach aen den Ermen luden in gheen broich / of anders waer / te and_en steden / aen die Ermen / ende nirghen~an anders / Daer si wilt / of yemant van h˚ere_ weghe_ deen sijt bevielt / wisen sal / Ende v_me te mere sekerheit der betalinghe_ des v˚rscr_ jaerpachts / Soe haet de v˚rscreue_ arnoit / den v˚rscreu_ Erme_ luden te onderpande / gesat / N˚eghen Boinre lants / gheleghen achter br˚yczitt_t / die / de v˚rscr_ arnoit / van ons haudende is te leen / Die ouch wilneer waren joefruwe_ agathe_ v˚rscr_ / jn manieren / of de v˚rscr_ arnoit / of sine erfname_ / gebrelic weren / in + der betalinghe des v˚rscr_ pachts in eyne_ deile / of in alte~male / totten tide de v˚rscr_ is / So moghe_ die v˚rscr_ Erme lude / of hoen gherecht monbaer varen aen dat v˚rscr_ onderpant als v˚r / eyne_ / dobbellen pacht / al wint ter tijt / dat die dobbel pacht wael betaelt is / Ende dan maech de v˚rscr_ arnoit of sijn erfnamen / weder varen aen hoen lant v˚rscr_ wennen ende weruen / ghelijc as si ploghen Ongekalentiert / als decke as dat ghevelt / Behaudelic ons / ende onsen erfnamen / ons leens~recht alle argelist vyt~ghesceiden / in desen v˚rscr_ zaken / In + ghetugenis der waerheit hebbe_ wir onse_ siegel / aen desen brief doen hanghe_ / Ende want wir johan va_ were ridder / ende henric van den berghe / ouer dese v˚rscr_ vurwarden geweest sijn as ma_ne / Soe hebben wir onse ziegelen mit siegel ons lieue_ heren v˚rscr_ aen desen brief doen hanghen / Ende want wir agatha va_ + den br˚yc / Gelijs van + den wier / end arnoit va_ hulsbergh bekinnen / dat alle dese v˚rscr_ saken / mit onsen g˚eden wille / ende v˚rraet ghesciet sijn / Soe gheloue_ wir v˚r ons / v˚r o_se wijfe ende v˚r onse erfnamen in g˚eden tr˚we_ / alle dese v˚rscr_ v˚rwarden vast / ende stede te hauden totten Eweliken daghen / Ende hebbe_ ouch daer v_me te mere zekerheit / onse segelen / mit zegelen ons lieue_ heren / ende sijnre ma_ne v˚rscr_ aen desen brief doen hanghen jn mere getughenis der waerheit / Ghegeuen jnt aer ons h_en / Dusent + / drij + hondert + / Twe ende seuentich op sinte agathen dach .