Corpus Van Reenen-Mulder (CRM14): Oorkonde Q520r38201

Jch johan kiedel van Oersbeke . Doen künt allen luden ind bekenne openbeirlich mit diesen brieue . dat vur mich ind vur mine man . mit namen . hubrecht van der gracht ind gyselbrecht van der gracht Comen is Goiswijn loef as witlich man ind monbar lysen Cloes dochter was in die gracht sijns witliken wijfs . jnd hait bekant dat he vercocht haue ind vercoup mit güeder gerechter witliker coumanschap Pouwels van ophoeuen gerarts son was des smiets den god genaede sieuen malder roggen g˚ets werlichs pachts van den lande van valkenbergh der moete_ van zittart alle jaer erflich ind vmmerme te betalen op sint andries dage des heyligen apostolen of onbeuangen op den heyligen derteen~dage ind te lieueren bennen der stat van zittart of benne_ der de_ckbanck van oersbeke op cost anxt arbeyt ind voeringe Goiswijns loefs vurs_ ind sijne Eruen jn vry sieker behalt pouwels v˚rs_ sijnre erue_ of helder dis briefs mit sinen willen war sy dat erkiesen jnd vmb te mere siekerheit der betalingen alle jaer as vurs_ is Soe hait Goiswijn (onleesbaar) as eyn gedelingh alsullichs leens as hubrecht van der gracht vürs_ van mich te lene haldende is v˚r hoem ind vur sine eruen te (onleesbaar) (onleesbaar) (onleesbaar) witliken onderpande gesat ind set (onleesbaar) (onleesbaar) (onleesbaar) sinen eruen of helder dis briefs mit sine_ willen sinen hoef gelegen in die gracht mit huse schuren hoeuereyden bongarde ind garde ind (onleesbaar) b˚enre dry sillen lants achter den hoif vurs_ gelegen . vier morgen lants geheyten der dilgarde gelege_ by die woufs~slac by voere_ kraechs vijf sillen lants gelege_ op den sittarder wege by voeren arnolts in die gracht ind kraechs ind dry buenre lants gelegen op dat roet by voeren godarts van der hage_ ind hubrechts vurs_ jn alsulger vurwarden ind manieren weert sake dat goiswijn loef v˚rs_ of sine eruen gebrecklich vonden worden in der betalingen alle jaer ten tyden as vurs_ is in eyne_ deyle of in al~te~moel . Dat as dan pouwels v˚rs_ sine erue_ of helder dis briefs mit sine_ willen des anderen daichs nae derteendage hoer hant solen moege_ sl?en ain dit v˚rs_ lant ind lene ind da mede doen ind laeten as mit hoere_ eyghene_ erue ind lene . sonder wieder~spreken Goiswijns vürs_ sijne erue_ of yemans van hoeren wege_ alle argelist ind quaede vonde geystlich of wereltlich die erdacht sijn of die man erdencken mach in alle diesen vurwarden ind ponten vytgescheyden jn getugenisse der woerheit soe hain ich johan kiedel as eyn leenhere dis onderpants v˚rs_ ind wir hubrecht ind gyselbrecht v˚rs_ as man . vmb beden wille beyde der p_tyen onse siegellen ain diesen brief gehangen beheltenisse ons . ons rechts . ind alre mallich des sijns . want ons kondich is dat dit vurs_ onderpant vur datu_ dis briefs . vur ons . onbesweert is . Gegeuen int jaer ons heren dusent dry hondert ind twey ind achtentich op sint stefphoens dage .