Corpus Van Reenen-Mulder (CRM14): Oorkonde Q520r38401

Jch Johan kiedel van Oersbeke doen Cont allen luden ind bekenne openbeerlich mit diesen brieue dat v˚r mich ind v˚r myne man . Mit namen . hubrecht van der gracht ind Gyse van der gracht as v˚r lenehere ind v˚r man . Comen is diederich van anstenroede mijn Oem . Giede ind bekande Dat he gegeuen ind gekeert hedde ain jonffrouwe jutten van den Esschen Cloester~jonffrouwe te sint geerlach alsulligen Erfpacht as he geloest ind beschodt hait van pouwels van ophoeuen gerarts son . was des smyets . den de selue pouwels gegolden ind gekregen hadde tiegen Goiswijn loef ind lysen van der gracht Gelijch de principäil brief dair op gemaickt cleerliken in~helt . wilgen brief diederich mijn Oem v˚rscr_ . Der v˚rscr_ jonffrouwe jutten oeuer~gegeuen ind gelieuert hait as hoeren vryen eygenen wille te doen mit Erfpacht ind mit brieue vurscr_ jnd want diederich mijn oem v˚rscr_ as eyn gerecht erue ind mäich . lysen van der gracht vurscr_ beieert ind bestilt is jaer ind dach ind me in den v˚rscr_ Erfpacht / Soe hait hee geloeft in g˚eden truwen die vurscr_ jonffrouwe jutte_ jn den v˚rscr_ Erfpacht ind brief te halden jaer jnd daich ind allen rechte_ andpr˚ecke af te doen . Alle argelist ind quaede vonde nuwe ind alde geistlich of wereltlich die erdacht sijn of die man erdencke_ mach in alle diesen vurwarden ind ponten vyt~gescheyden Jn getugenisse der waerheyt . hain Jch . diederich van anstenroede v˚rscr_ as eyn principail minen siegel ain diesen brief gehange_ Jnd hain vort gebeden ind bidde . johan kiedel minen neue ind sinen mannen vurscr_ dat sy . vmb te mere stedicheit der waerheit haer siegellen ain diese_ brief gehange_ . hauen dat wir johan kiedel hubrecht ind Gyse vurscr_ bekenne_ waer sijn ind gedoen hauen hauen vmb beden wille beyde der p_tyen . want diese vurwarde_ vurscr_ v˚r ons as vur lenehere ind v˚r man geschiet sijn . beheltenisse allewege mich leneheren . mijns rechts ind mallich des sijns Gegeue_ int jaer ons heren . dusent dry + hondert vier ind achtentich des neest maendaichs na halfvasten