Corpus Van Reenen-Mulder (CRM14): Oorkonde Q571p38201

Wyr Henric H_e te dypenbeke voecht Te ludeke Doen Cont alle den ghene_ die desen brief soele sien ocht hoere lesen dat wir met rade des p_soens van dypenbeke der mo_boere_ des lu_i_aris En_ allen onser goeder lude van dypenbeke Over~ghegeve_ hebben en_ Over~gheve_ met desen opene_ brieve alle die tsise Onderpande late ende heerlicheyt die onse luminaris geldende en_ hebbende hadde jn den dorpe te rixingen te orber en_ te behoef des Covents d_ beghine_ van Tong_en / Om~dat sy onsen lu_i_aris Over~ghegheve_ en_ bewiist hebben die sevene aude grote die sy geldende hadden in onser dorpe te dype_beke En_ maken mechtich en_ Constitu_en Onsen live_ en_ gemi_den clerc Milis daneels den covente ocht ho_en mo_boer daer jn te goedene en_ te ervene alle argelist Vytgesceiden jn ghetuech der waerheit hebbe wyr onsen p_p__en siegel voer ons / onse lu_i_aris en_ onser goeder lude aen desen brief doen hanghen jn de ja_e van ons h_en gheboerten doen me_ screef dusent drie + hondert Tachtentich en_ + twee des vierde dachs des maens in december