Corpus Van Reenen-Mulder (CRM14): Oorkonde Q595r37501

guet van golde ende gherecht van ghewichte of guet gheliic payment daer voer an golde Om een su_me gheldes die die scepenen van campen wittelike ende wal betaelt hebben Dese tien olde vrancriicsche schilde jaerrenten vorscr_ alle iare te betalen op sante meertens dach in den winter . eer iement daer iet wt boert Want die heleghe gheest hebben sal . Ende bernt vorscr_ heeft voer hem ende voer sine erfg_ verteghen van + den tien olden vrancriicschen schilden jaerrenten vorscr_ ende is der wt gheghaen mit allen rechte Ende droech den scepenen van campen tot behoef des olden heleghen gheestes vorscr_ die op als ordel ende recht wisede Ende doe dit gheschiet was Doe vraghede ic dien mannen eens ordels of ic den scepene van Campen tot behoef des olden heleghen gheestes vorscr_ mit den tien olden vrancriicschen schilden jaerrenten vorscr_ belenen mochte heleghen gheestes vorscr_ cost of schaeden . Hier hebben ouer ende an ghewesen roderic kenneken ende aernt van oenden . manne dies ghestichtes van vtrecht ende anders veel gueder lude tughe die hier to gheropen ende ghebeden worden al arghelist wt~gheseget Jn orconde des briefs beseghelt mit mynen seghel Euerts leenheren vorscr_ Ende ic bernt die roede vorscr_ om~dat alle dinc vorscr_ waer siin . ende stede ende vast ende onverbroeken bliuen zoelen soe hebbic miin seghel voer mi en_ voer miin erfg_ mede aen desen brief ghehanghen Geg_ int iaer ons heren dusent drie + hondert soeven ende neghentich op alle godes heleghen avent