Corpus Van Reenen-Mulder (CRM14): Oorkonde Q595r37502

Wir diric quant scoutet en_ leen~man des hoefs van vdencouen . toebehorende den eirwerdighen in gode vader en_ onsen here h_en joha_ne van leuendail abt van S_ Cornelis . Arnout marsilis son van vdencouen / diric groetrutten arnout c˚penbender . joh_es mees scriuer te tricht joh_es van rompem / en_ willem goris son van vdencouen leen~man des hoefs voersc_ . doen cont allen luden die desen brief solen sien of horen lesen en_ kennen openbeirlic dat voer ons als scoltet en_ leen~man voers_ . comen en_ verschenen is . eyne eirsame besceiden joffrouwe . joffr_ j˚tte walne wynants dochter was van houthem als gherue en_ neeste moigh henrics van heppenart knaep te wopen en_ heet bestodt gheloift en_ gequidt alsollich lant . penninge ghelt / cap˚ne en_ joerrenten die wynant van hese roitsman te tricht ercregen en_ ghegolden hadde tiegen henric voersc_ . en_ van wilgen guede altemoil gewaich is ghedaen in + den brieuen do d?s tiegenwerdich brief is doir gesteken / en_ dar om so hebbe wir scoltet en_ leenman voers_ die voers_ joffr_ na alle den recht alst gewoenlic is jn + den voers_ g˚ede altemoil en_ do wynant tiegenwerdich was en_ kande dat home van synen gelde gnoech gedaen were gheg˚et in orber hoirs en_ hoirre gheruen . en_ want wir leenman voers_ eghein siegel en hebben so hebbe wir gebeden diric quant scoltet ons lieuen heren voers_ . dat he sijn siegel voer hoem en_ voer ons an desen brief wille hangen in get˚ichenis der woirheit . en_ ich diric quant voers_ o_me beden wille der leenman voerg_ so heb ich voer hon en_ voer mich mijn p_per siegel an desen brief gehangen Gegeuen jn + den jore ons h_en d˚sent drie + hondert + . tseuentich en_ viue des and_en dagh_ na sente kath_inen daich -