Corpus Van Reenen-Mulder (CRM14): Oorkonde Q595r38101

Wir symon scaefdries scoutheyt der h_en / van sint_ va˚es / van Triecht / der banc / en_ hoefs / van berghe / Johan waelheym / Joha_ roselere / Joha_ kaudenberch / flips op gene m˚nt / Johan off_man / goeswijn va_ g˚elheym / En_ Gerart der oleysleger / Scepen van berghe / Doen kont / Allen luden die desen brief sien / of horen lesen / Dat voer ons is comen loetken van / + goelheym En_ haet bekant / dat he witlic vercocht haet / seuen vaet roggen erflic / g˚ets werlichs pachts / der moten va_ Triecht / Alle Joer te betalen / en_ te leuere_ / te sint g_lach Jn dat Cloester / op sinte Andries daech des heylgen apostels / Op sinen hoef geleghen te g˚elheym voer die brugge / tusscen die twe g˚ele_ / Eynre Ersamer Jonfrouwen / katherine_ van sieuel / geystlic Jonfrouwe des goitshuys van sinte gerlach / der orde_ va_ p_mo_streyt / Jn vrber / en_ beh˚ef / des goitshuys va_ sint g_lach vors_ / Jn deser voegen / dat dit vors_ goitshuys gedencken sael / ewelic mit gebede . missen / en_ vigilien / deser vors_ katherine_ selen / nesen selen hore nychten / en_ hore vr˚nde selen / En_ hore erf~Joer~getide dar aef doen sael / Vort wir dat sake / dat dies vors_ loetken / of sine geerfen / gebreclic were / jn deser betali_ge_ / deser seuen vaet roggen / Eynge tijt / jn deyle of alte~mole / ten tide vorsc_ / soe maech / dit vorsc_ goitshuys van sint gerlach / sine hant sloen aen desen vorsc_ hoef / En_ dar mede gebere_ / En_ doen / as mit sine_ p_pere_ erue / noe gewoenden / onser banc / en_ ons hoefs va_ berge vorsc_ / Sonder wederspreken / loetkens vorsc_ / sinre geerue_ / of yemans van hore_ wegen / En_ Jch loetken vorsc_ / ke_ne ou_mits desen brief dat alle dese vorsc_ sake_ woer siin als vorsc_ is / war bi jch bidde desen vors_ scoutheit / en_ scepen / dat si hore_ gemeyne_ segel / aen desen brief willen hangen / Jn getugenisse der woerheit / En_ wir Symon scoutheyt en_ scepen voersc_ / tugen ou_mits desen brief / dat alle diese vorsc_ saken / en_ p˚nten / witlic / en_ besceyelic vor ons gesciet siin / en_ ons kondich siin . Dar om / en_ om beden wille beyder partien vorsc_ / soe haue wir scoutheyt / en_ scepen vorsc_ onsen p_per gemeyne_ segel / der banc / en_ des hoefs / van berghe vorsc_ / aen desen brief gehangen / Jn getugenisse / en_ stedicheyt der woerheit dis briefs / en_ alle der saken / en_ p˚nten dar Jn vorsc_ / Alle argeliste geystlich en_ werrentlich Jn desen brief vyt~gesceyden / Gegeuen Jn den Joer ons heren / dusent / + drie + hondert / + En_ eyn ende achtentich op des heylgen sac_ments daech