Corpus Van Reenen-Mulder (CRM14): Oorkonde Q595r38201

Wir br˚eder heynric va_ a˚ken proest p_erse su_p__erse En_ dat ghemeyne co_uent van sinte Gerlachs der orden va_ p_mo_streyt / doen kont allen luden mit desen open brief dat wir onsen hoef te Rodere_ gelegen vyt hauen gegeue_ te haluer wenninge_ nogen joer lanc noe eyn volgende / noe data dis briefs Eyne_ besceyden knape / Goesen Gerarts soene va_ Roetheym jn deser voegen dat goesen vorsc_ alle dat ackerlant / dat den houe te Rod_en tuwe~behoert / wale ende tigelichs we_ne_ sael en_ ellic noe sinen gebore als gewoenlic is . gelijc sine_ rey_genote_ En_ dat coren sal half ons siin en_ half siin / En_ ons deyl cors sael ons goesen brenge_ en_ v˚rren op sine_ cost en_ arbeyt te sinte Ge_lach jn onse cloest_ En_ dat gans stroe sal jn den hoef bliue_ tot ons beyder vees behoue / En_ dat mest sal he te + g˚ede_ tide vyt~v˚rre_ op ons hoefs lant doit alre behoerlichste is en_ beste te doen En_ onse teende do sal he jn v˚rre_ en_ ons dat core_ her te sinte gerlach bre_gen / En_ dar om sal siin vee dat teende stroe vrb_en en_ eten gelijc onsen vee / En_ te oust sul wir eyne_ core_~h˚ede sende / dene_ sal goesen v˚de_ en_ wir loene_ / En_ wir solen dat coren te operscape semelinge_ jndoen / mar goesens operscape stroe en_ alle sinre operen stroe sal jn + den hoef bliuen / En_ soe woe wir den operen bende leuere_ / so sole_ + si hauen acht va_ ho_d__t gerue_ mar bre_gen si hor bende self so sole_ si haue_ va_ ho_dert noge_ gerue_ En_ goesen sal des joers halde_ jn + den houe . v . melc~c˚y onder ons beyde_ Die boter en_ kese dar aef sal half ons siin van meye~dage tot sinte remeys + dage tuwe / ende half siin / En_ dar aef sal he des jors . ij . kaluer tien tot onser beyder behoue / En_ die te deylen a? tijt en_ vrber is En_ he sal des jors halden . v . vierdel sco˚pe onder ons beyden denen sal he seen des joers . j . bonre wicke_ jn die euen soet en_ niet i_ dat gerst lant / En_ dar tuwe sul wir den . hondert scöpen des jors geue_ te helpe_ . iij . malder euen en_ den vierdel noe gebore alsoe En_ den sceper . viij . vaet rogge_ / En_ sine_ honde . iiij . vaet gersten Vort sal he des jors halden onder ons beyde_ . xxx . verken ende . ij . verkens m˚eder dar tuwe sul wir des jors elke verken en_ m˚eder geue_ . j . groet vaet sceyt cors / of . j . cleyn vaet gerste_ dar v˚r of ons sceyt cors gebreke / En_ alsoe decke als elke_ verkens m˚eder haet . v . jonge verken of me / soe sul wir h˚r geuen . iiij . vaet gersten / mar als si bre_gen beneden . v . jonge v_ken soe en geef wir hoen niet / Ende goesen sal sine_ perden des jors seen . j . bonre wicken jn die euen soet en_ niet i_ dat gerst lant / en_ dar v˚r sal he des jors . ij . bonre lant mergelen / En_ he en sal egeyn g˚et seen in + die broecke et en si half ons noch he en sael egeyn geyse halde_ / jt_ loker aen der husenge_ of scuren die men maken en_ stoppen benne_ drie scinlingen g˚ets gels maech / die sael goesen doen maeken op sine_ cost jt_ heren dinste te doen van den houe / doe goesen des ouons weder heym can comen denen sal goesen doen op sine_ cost mar woe he des nachts vyt blieue soe sul wir hoem lonen / jt_ wir hebben goesen geleent ses mudde cors . die sael he ons betalen benne_ drie joere_ des joers . ij . mudde jt_ wir dat sake des van goithalue_ niet siin en m˚ete / dat ons scade gesciede jn onsen houe vorsc_ van goesens wegen en_ versumenisse / of der sinre / als van brande of va_ ander manieren denen sael he ons op~richten / en_ bet_en als dat gewoenlic jn + den lande is / jt_ eynge ander saken die tusschen ons vallen m˚chte_ van dis hoefs wege_ die soelen stoen tot halfwe_ne_ recht En_ goesen sael den hoef loete_ als he dar vyt vert wie heen nu vint / dat is mit den gansen voeder en_ stroe / en_ drie + hondert geruen wicken / en_ den hoef mit ruepsoit geseet en_ eyne_ houp mergels gevoert Ouer deser v˚rwarden waes der p_soen van Scemmart / johan van hulsb_g / Gerart hornsberch / goesen der boschuder en_ ander g˚ede lude / Ende op~dat dies brief vaste en_ stede bliue / soe haet ons goesen vorsc_ te onderpande gesat alle siin guet / En_ haet ons dar tuwe vort te burgen gesat Gerarde sine_ vader / En_ Rutger godarde en_ gerarde sine br˚eder / en_ goesen van wirde sine_ suöger alle diese p˚nten dis briefs vast en_ stede te halde_ als vorsc_ is / En_ wir dat sake dat deser burge_ eynich aefliuich woerde des niet siin en m˚ete / soe sole_ dander burge_ be_ne_ vertenachte_ dar noe tot onser mani_ge_ te m_sen jn eyne herberge vare_ leyste_ tot der tijt dat ons goesen vorsc_ eynen and_en als g˚ede_ burge_ jn + des doden staet / + geset En_ wir Gerart van Roetheym / Rutger / Godart / Gerart / en_ Goesen van wirde vorsc_ ke_ne_ en_ tuge_ ou_mits desen brief dat wir gehorsame b˚rgen siin goesen vorsc_ alle diese sake_ en_ p˚nte_ dies briefs vast en_ stede te halde_ En_ want wir Goesen / Gerart / Rutger / Goedart / Gerart / en_ Goesen vorsc_ . Egeyne p_per segel en hauen Soe bidde wir minen here den proest p_erse en_ dene_ gemeyne_ co_uent vorsc_ / dat si hore_ co_uents segel v˚r ons aen desen brief wille_ hangen jn getugenisse der worheit dis briefs / En_ wir proist p_erse su_p__erse en_ dat gemeyne co_uent vorsc_ / om beden wille / Goesens / Gerarts / Rutgers / Godarts / Gerarts en_ Goesens vorsc_ Soe haue wir ons gemeyne_ Co_uents segel v˚r onseluer en_ v˚r hoen aen desen brief gehangen in getugenisse en_ worheit alre p˚nten dis briefs Alle argelist vyt~gesceiden jn desen brief / Gegeue_ jn den joer ons heren Jh_u chr_i dusent drie + hondert / + En_ twe en_ achtentich op sinte Remeys daech des heylge_ co_fess___